തിരുവനന്തപുരം: ലഹരിമരുന്നുമായി മുന് സന്തോഷ് ട്രോഫി ഫുട്ബോള് താരം നജീബ് ഖാന് പിടിയിലായി. തിരുവനന്തപുരത്തെ ഒരു ഹോട്ടല് മുറിയില് നിന്നുമാണ് ഇയാളെ എക്സൈസ് പിടികൂടിയത്. നാല് ഗ്രാം എംഡിഎംഎ ഇയാളുടെ പക്കല് നിന്നും കണ്ടെടുത്തു. ബംഗളൂരുവില് നിന്നെത്തിച്ച എംഡിഎംഎ ഹോട്ടലിലെത്തിച്ച് വില്പ്പന നടത്തിവരികയായിരുന്നു.
തിരുവനന്തപുരത്ത് ഹോട്ടലുകള് കേന്ദ്രീകരിച്ച് എക്സൈസും നര്ക്കോട്ടിക്സ് വിഭാഗവും സംയുക്തമായി നടത്തിയ പരിശോധനയിലാണ് നജീബ് ഖാന് പിടിയിലായത്. തെരഞ്ഞെടുപ്പുമായി ബന്ധപ്പെട്ട സ്പെഷല് ഡ്രൈവിന്റെ ഭാഗമായിട്ടായിരുന്നു പരിശോധന നടത്തിയിരുന്നത്.
ചോദ്യം ചെയ്യലിലാണ് ഇയാള് കേരളത്തിനു വേണ്ടി സന്തോഷ് ട്രോഫി കളിച്ചിട്ടുള്ള താരമാണെന്ന് വ്യക്തമായത്. തലസ്ഥാനത്തെയും സമീപ ജില്ലകളിലെയും ഹോട്ടലുകള് കേന്ദ്രീകരിച്ച് എംഡിഎംഎ കച്ചവടം നടത്തി വരികയായിരുന്നു. ഹോട്ടല് റൂമുകളില് ലഹരിമരുന്ന് എത്തിച്ചാണ് ലരിമരുന്നു കച്ചവടം നടത്തിയിരുന്നതെന്ന് നജീബ് എക്സൈസിനോട് സൂചിപ്പിച്ചു.
പ്രമുഖരായ പലരും ഇയാളില് നിന്നും ലഹരിമരുന്ന് വാങ്ങിയിരുന്നതായി എക്സൈസിന് സൂചന ലഭിച്ചതായാണ് വിവരം. ട്രാവന്കൂര് ടൈറ്റാനിയം പ്രോഡക്ട്സിലെ ഉദ്യോഗസ്ഥനായിരുന്നു. മൊബൈലില് പ്രത്യേക ആപ്പ് ഇന്സ്റ്റാള് ചെയ്ത് അതുവഴി ആളുകളെ കണ്ടെത്തി, ഹോട്ടല് റൂമുകളിലെത്തി എംഡിഎംഎ വില്പ്പന നടത്തിയിരുന്നതെന്നാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
