14.50 കിലോ ഭാരം; വീട്ടുവളപ്പിൽ ഭീമൻ കപ്പ  

കൊച്ചി: സൗത്ത് കളമശേരി മഞ്ഞുമ്മൽ റോഡിൽ വീട്ടുവളപ്പിലുണ്ടായത് ഭീമൻ കപ്പ. ചൊല്ലാംപാട്ട് പയസ് ജോസഫിന്റെ (ബാബു) വീട്ടിലാണ് 14.50 കിലോ​ഗ്രാം ഭാരമുള്ള കപ്പയുണ്ടായത്. 

സ്വകാര്യ കമ്പനിയിൽ ജോലിചെയ്യുന്ന പയസ് 20 ചുവട് കപ്പയാണ് നട്ടത്. എട്ട് മാസം മുമ്പ് നട്ട ഇവയിൽ രണ്ട് ചുവട് പറിക്കാതെ നിർത്തിയിരുന്നു. എത്രത്തോളം വളരുമെന്ന് അറിയാനാണ് പറിക്കാതെ നിർത്തിയത്. കഴിഞ്ഞ ദിവസം ഇത് പറിച്ചെടുത്തപ്പോൾ പൊന്തിവന്നതാകട്ടെ ഭീമൻ കപ്പയും.