മുഖ്യമന്ത്രിക്ക് പിറന്നാൾ സമ്മാനവുമായി ​ഗവർണർ ക്ലിഫ് ഹൗസിൽ

തിരുവനന്തപുരം: മുഖ്യമന്ത്രി പിണറായി വിജയന് പിറന്നാള്‍ സമ്മാനവുമായി ഗവര്‍ണര്‍ ആരിഫ് മുഹമ്മദ് ഖാന്‍. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിൽ എത്തിയാണ് ഗവര്‍ണര്‍ ആശംസകള്‍ അറിയിച്ചത്. സമ്മാനമായി പേനയും നല്‍കി. ഉച്ച ഭക്ഷണവും കഴിച്ചാണ് ​ഗവർണർ മടങ്ങിയത്. 

പിണറായി വിജയന്‍  ഫോട്ടോ സാമൂഹിക മാധ്യമങ്ങളില്‍ പങ്കുവച്ചു. പിണറായി വിജയന്റെ എഴുപത്തിയാറാം പിറന്നാളാണ് ഇന്ന്.

ഔദ്യോഗിക രേഖകളിൽ മാർച്ച് 21 ആണ് ജന്മദിനം. അഞ്ച് വർഷം മുൻപ് 2016 മേയ് 25ന് കേരളത്തിന്റെ മുഖ്യമന്ത്രിയായി അധികാരമേല്‍ക്കുന്നതിന് തലേന്നാളാണ് തന്റെ യഥാർഥ ജനനത്തീയതി ആദ്യമായി പിണറായി തുറന്നു പറഞ്ഞത്. 

1945 മെയ് 24നാണ് മുഖ്യമന്ത്രി ജനിച്ചത്. 15 വര്‍ഷത്തിലേറെ സംസ്ഥാന സെക്രട്ടറിയായി സിപിഎമ്മിനെ നയിച്ചു റെക്കോര്‍ഡിട്ട നേതാവ് ഇന്ന് ഇന്ത്യയില്‍ ഇടതു പക്ഷത്തിന്റെ ഏക മുഖ്യമന്ത്രിയാണ്.