ബത്തേരി: സംസ്ഥാനത്തെ ഉള്പ്രദേശങ്ങളിലെ യാത്രാക്ലേശം തീര്ക്കാന് തദ്ദേശ സ്ഥാപനങ്ങളുമായി സഹകരിച്ച് കെഎസ്ആര്ടിസി അവതരിപ്പിച്ച ഗ്രാമവണ്ടികള് ഇനിമുതല് വയനാട്ടിലും ഓടിത്തുടങ്ങും. സംസ്ഥാനത്ത് ഏറ്റവും വലിയ യാത്രാക്ലേശം അനുഭവിക്കുന്ന ജില്ലകളിലൊന്നാണ് വയനാട്. യാത്രാക്ലേശം രൂക്ഷമായതും ബസുകള് ഇല്ലാത്തതുമായ റൂട്ടൂകളിലൂടെയായിരിക്കും ഗ്രാമവണ്ടികളുടെ സര്വീസ്.
ജില്ലയിലെ ആദ്യ ബസ് മാനന്തവാടി ബ്ലോക്ക് പഞ്ചായത്തിന്റെ സഹകരണത്തോടെയാണ് ഓടിത്തുടങ്ങുന്നത്. ജില്ലാതല ഉദ്ഘാടനം ആറിന് രാവിലെ പത്തരക്ക് മന്ത്രി ആന്റണി രാജു മാനന്തവാടിയില് നിര്വഹിക്കും. ബസിന്റെ ഡീസല് ചിലവ് മാത്രം തദ്ദേശ സ്വയംഭരണ സ്ഥാപനങ്ങള് വഹിച്ച് അവര് നിശ്ചയിക്കുന്ന റൂട്ടുകളും സമയക്രമവും അനുസരിച്ച് സര്വീസ് നടത്തുകയെന്നതാണ് പദ്ധതിയുടെ പ്രത്യേകത.
മാനന്തവാടി ബ്ലോക് പഞ്ചായത്തിലുള്പ്പെട്ടതും നിലവില് വാഹന സൗകര്യം കുറവുള്ളതുമായ റൂട്ടുകളായ നല്ലൂര്നാട് ജില്ല ക്യാന്സര് സെന്റര്, കാരക്കുനി യൂണിവേഴ്സിറ്റി ക്യാമ്പസ്, ബി എഡ് സെന്റര് എന്നിവയ്ക്ക് അധികൃതര് മുന്ഗണന നല്കിയേക്കും. രാവിലെ മാനന്തവാടിയില് നിന്നും ആരംഭിച്ച് വൈകുന്നേരം മാനന്തവാടിയില് തന്നെ എത്തുന്ന രീതിയിലാണ് ഗ്രാമവണ്ടിയുടെ സര്വീസ് ക്രമീകരിച്ചിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
