സ്പെയിൻ- ഫ്രാൻസ് സെമി, ഹഥ്റസ് ദുരന്തം; മുഖ്യപ്രതി പൊലീസ് പിടിയിൽ... ഇന്നത്തെ 5 പ്രധാന വാർത്തകൾ

പോർച്ചു​ഗൽ താരം ജാവോ ഫെലിക്സിന്റെ ഷോട്ടാണ് പാഴായത്. ഫ്രാൻസിനായി കിക്കെടുത്ത തിയോ ഹെർണാണ്ടസ്, ബ്രാഡ്‌ലി ബർക്കോള, ജുവൽസ് കുണ്ടെ, യൂസുഫ് ഫൊഫാന, ഒസ്മാൻ ഡംബലെ എന്നിവർ ലക്ഷ്യം കണ്ടു.

ഹഥ്‌റസില്‍ തിക്കിലും തിരക്കിലും പെട്ട് 121 പേര്‍ മരിക്കാന്‍ ഇടയായ സംഭാവത്തിൽ മുഖ്യപ്രതി അറസ്റ്റിൽ. മുഖ്യപ്രതിയായ ദേവ് പ്രകാശ് മധുകറാണ് വെള്ളിയാഴ്ച രാത്രി ഡൽഹി പൊലീസിന് മുന്നിൽ കീഴടങ്ങിയത്. ഇയാളെ ഉത്തർപ്രദേശ് പൊലീസ് പിന്നീട് കസ്റ്റഡിയിലെടുത്തു.

ഒരു അന്താരാഷ്ട്ര കിരീടം കൂടി നേടി മടങ്ങാമെന്ന സൂപ്പർ താരം ക്രിസ്റ്റ്യാനോ റൊണാൾഡോയുടെ സ്വപ്നം പാതിയിൽ അവസാനിച്ചു. പോർച്ചു​ഗൽ യൂറോ കപ്പിൽ നിന്നു സെമി കാണാതെ പുറത്ത്. രണ്ടാം ക്വാർട്ടർ ഫൈനലിൽ പെനാൽറ്റി ഷൂട്ടൗട്ടിലേക്ക് നീണ്ട പോരിൽ ഫ്രാൻസ് 5-3നു പോർച്ചു​ഗലിനെ വീഴ്ത്തി. സെമിയിൽ സ്പെയിനാണ് ഫ്രാൻസിന്റെ എതിരാളികൾ. റൊണാൾഡോയുടെ അവസാന യൂറോ കപ്പാണിത്.

സ്വന്തം നാട്ടിൽ അരങ്ങേറിയ യൂറോ കപ്പിൽ കിരീടം സ്വന്തമാക്കി ലോക ഫുട്ബോളിലേക്കും പ്രതാപ കാലത്തേക്കും മടങ്ങാമെന്ന ജർമനിയുടെ മോഹങ്ങൾ സ്പെയിൻ തടഞ്ഞു. യൂറോപ്യൻ ഹെവി വെയ്റ്റ് പോരാട്ടത്തിൽ ജർമനിയെ 2-1നു വീഴ്ത്തി സ്പെയിൻ സെമിയിലേക്ക് മുന്നേറി. പോർച്ചു​ഗലിനെ വീഴ്ത്തി എത്തുന്ന കരുത്തരായ ഫ്രാൻസാണ് സെമിയിൽ സ്പെയിനിന്റെ എതിരാളികൾ.

സംസ്ഥാനത്ത് ഇന്നും മഴ തുടരും. വടക്കൻ ജില്ലകളിലാണ് കൂടുതൽ സാധ്യത പ്രവചിക്കുന്നത്. ഒറ്റപ്പെട്ട മഴയാണ് പ്രതീക്ഷിക്കുന്നത്. നാല് ജില്ലകളിൽ യെല്ലോ അലർട്ടുണ്ട്. മലപ്പുറം, കോഴിക്കോട്, കണ്ണൂർ, കാസർക്കോട് ജില്ലകളിലാണ് മുന്നറിയിപ്പ്.

ഉപരാഷ്ട്രപതി ഡോ. ജഗ്ദീപ് ധൻകർ ഇന്ന് കേരളത്തിലെത്തും. രണ്ട് ദിവസത്തെ സന്ദര്‍ശനത്തിനായാണ് ഉപരാഷ്ട്രപതി എത്തുന്നത്. തിരുവനന്തപുരം ഇന്ത്യൻ ഇൻസ്റ്റ്യൂട്ട് ഓഫ് സ്‌പേസ് സയൻസ് ആന്റ് ടെക്‌നോളജിയിലെ 12-ാമത് ബിരുദദാനച്ചടങ്ങിൽ മുഖ്യാതിഥിയായി പങ്കെടുക്കും. ഭാര്യ സുധേഷ് ധൻകറും അദ്ദേഹത്തിനൊപ്പമുണ്ടാവും.