ദിവസങ്ങൾക്കിടെ 2 മരണം; മലപ്പുറത്ത് ഹെപ്പറ്റൈറ്റിസ്; ജാഗ്രത വേണം, മുന്നറിയിപ്പ്

മലപ്പുറം: ജില്ലയിൽ വൈറൽ ഹെപ്പറ്റൈറ്റിസ് രോ​ഗ ബാധക്കെതിരെ ജാ​ഗ്രത പുലർത്തണണമെന്നു ആരോ​ഗ്യ വകുപ്പിന്റെ മുന്നറിയിപ്പ്. രോ​ഗം ബാധിച്ചു കഴിഞ്ഞ ദിവസങ്ങളിൽ രണ്ട് പേർ മരിച്ചതോടെയാണ് മലപ്പുറം ജില്ലയിൽ ജാ​ഗ്രാതാ നിർദ്ദേശം.

പോത്തുകല്ല്, എടക്കര പഞ്ചായത്തുകളിലാണ് രോ​ഗ ബാധ കൂടുതലായും റിപ്പോർട്ടു ചെയ്തിരിക്കുന്നത്. ഈ പ്രദേശങ്ങളിൽ ആരോ​ഗ്യ വകുപ്പ് നിയന്ത്രണം കടുപ്പിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കുടിവെള്ളത്തിൽ അതീവ ശ്രദ്ധ പാലിക്കണമെന്നു ആരോ​ഗ്യ വകുപ്പ് മുന്നറിയിപ്പ് നൽകി. ശുദ്ധമായ വെള്ളം മാത്രം കുടിക്കണമെന്നു ജില്ലാ മെഡിക്കൽ ഓഫീസർ വ്യക്തമാക്കി. പോത്തുകല്ല്, എടക്കര പ്രദേശങ്ങളിൽ കൂൾബാറുകളുടേയും ഹോട്ടലുകളുടേയും പ്രവർത്തനത്തിനു നിയന്ത്രണം ഏർപ്പെടുത്തിയതായി ആധികൃതർ അറിയിച്ചു.