തിരുവനന്തപുരം: കേരള സംസ്ഥാന ചലച്ചിത്ര അക്കാദമി 2023 ഡിസംബര് എട്ടു മുതല് 15 വരെ തിരുവനന്തപുരത്ത് സംഘടിപ്പിക്കുന്ന 28ാമത് ഐഎഫ്എഫ്കെയില് പങ്കെടുക്കാന് പ്രതിനിധികളായി രജിസ്റ്റര് ചെയ്തിട്ടുള്ളവര്ക്കുള്ള ഡെലിഗേറ്റ് പാസിന്റെ വിതരണം ഡിസംബര് ആറു മുതല്. ബുധനാഴ്ച വൈകിട്ട് മൂന്നു മണിക്ക് മുഖ്യവേദിയായ ടാഗോര് തിയേറ്ററില് നടക്കുന്ന ചടങ്ങില് ഡെലിഗേറ്റ് സെല്ലിന്റെ ഉദ്ഘാടനം മേയര് ആര്യാ രാജേന്ദ്രന് നിര്വഹിക്കും.
ഡെലിഗേറ്റ് കിറ്റിന്റെ വിതരണോദ്ഘാടനം സംവിധായകന് ശ്യാമപ്രസാദ് മികച്ച നടിക്കുള്ള 2022 ലെ കേരള സംസ്ഥാന ചലച്ചിത്ര അവാര്ഡ് നേടിയ വിന്സി അലോഷ്യസിന് ആദ്യ പാസ് നല്കിക്കൊണ്ട് നിര്വഹിക്കും. ചടങ്ങില് ചലച്ചിത്രപ്രവര്ത്തകരും കലാസാംസ്കാരിക മേഖലയിലെ പ്രമുഖരും പങ്കെടുക്കും.
മേളയില് പങ്കെടുക്കുന്നതിനായി രജിസ്റ്റര് ചെയ്തിട്ടുള്ളവര്ക്ക് ഉദ്ഘാടനച്ചടങ്ങിനുശേഷം ഡെലിഗേറ്റ് സെല്ലില്നിന്ന് പാസും ഫെസ്റ്റിവല് കാറ്റലോഗും ഷെഡ്യൂളുമടങ്ങിയ കിറ്റ് കൈപ്പറ്റാവുന്നതാണ്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
