തൃശൂര്: കാര്ഷിക സമൃദ്ധിയുടെ ഐശ്യര്യവുമായി ഗുരുവായൂര് ക്ഷേത്രത്തില് ഇന്ന് ഇല്ലംനിറ. രാവിലെ 8.30 മുതല് 9.30 വരെയുള്ള മുഹൂര്ത്തത്തിലാണ് ചടങ്ങ്. ആദ്യ കൊയ്ത്തിന്റെ നെല്ല് ഗുരുവായൂരപ്പന് സമര്പ്പിക്കുന്ന ചടങ്ങിനുള്ള കതിര് കറ്റകള് തിങ്കാളാഴ്ച ക്ഷേത്രത്തില് എത്തി.
അഴീക്കല്, മനയം പാരമ്പര്യ അവകാശി കുടുംബാംഗങ്ങള് ഇന്ന് രാവിലെ കതിര്ക്കറ്റകള് ക്ഷേത്രം കിഴക്കേ ഗോപുരത്തിന് സമീപമെത്തിച്ചു. ദേവസ്വം ചെയര്മാന് എ വി ഗോപിനാഥ്, ഭരണസമിതി അംഗങ്ങളായ സി മനോജ്, മനോജ് ബി നായര് എന്നിവര് ചേര്ന്ന് ഏറ്റുവാങ്ങി. അഴീക്കല് കുടുംബാംഗം വിജയന് നായര്, മനയം കുടുംബാംഗം കൃഷ്ണകുമാര്, ക്ഷേത്രം അസി.മാനേജര് എ വി പ്രശാന്ത്, സി എസ് ഒ മോഹന്കുമാര്, ജീവനക്കാര്, ഭക്തജനങ്ങള് എന്നിവര് ചടങ്ങില് സന്നിഹിതരായി.
ഇല്ലംനിറയുടെ തുടര്ച്ചയായുള്ള ഈ വര്ഷത്തെ തൃപ്പുത്തരി ഓഗസ്റ്റ് 30 ഞായറാഴ്ച രാവിലെ 8.30 മുതല് 9.30 മണി വരെയുള്ള മുഹൂര്ത്തത്തില് നടക്കും. തൃപ്പുത്തരി ദിവസം ഭക്തജനങ്ങള്ക്കായി 1200 ലിറ്റര് പുത്തരി പായസം തയ്യാറാക്കും. പുത്തരി പായസം കൂടുതല് സ്വാദിഷ്ടമാക്കുന്നതിന് 2200 എണ്ണം കദളിപ്പഴവും 22 കിലോ നെയ്യും ഉപയോഗിക്കുമെന്ന് ഗുരുവായൂര് ദേവസ്വം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
