മലപ്പുറം: മുസ്ലീം ലീഗിന്റെ തെരഞ്ഞെടുപ്പ് വിജയാഹ്ലാദത്തിനിടെ ആടിന്റെ തലയറുത്ത് പ്രദര്ശിപ്പിച്ച് പ്രവര്ത്തകരുടെ ക്രൂരത. തവനൂര് മണ്ഡലത്തിലെ തൃപ്രങ്ങോട് പഞ്ചായത്തിലെ യുഡിഎഫ് വിജയാഹ്ലാദത്തിനിടെ ഇന്നലെയാണ് സംഭവം. ഇതിന്റെ ദൃശ്യങ്ങള് സാമൂഹിക മാധ്യമങ്ങളില് ഉള്പ്പടെ വൈറലായി.
തൃപ്രങ്ങോട് പെരുന്തല്ലൂര് അങ്ങാടിയിലാണ് ചോരയൊലിക്കുന്ന ആടിന്റെ തല വടിയില് കെട്ടി പ്രദര്ശിപ്പിച്ചത്. യൂത്ത് ലീഗ് പെരുന്നല്ലൂര് വാര്ഡ് സെക്രട്ടറിയും തൃപ്രങ്ങോട് പഞ്ചായത്ത് ഭാരവാഹിയുമായ കുരിക്കള്പടി മച്ചിങ്ങല് റാഫി, വാല്പറമ്പില് ഷുഹൈബ് എന്നിവരുടെ നേതൃത്വത്തിലായിരുന്നു അതിക്രമം.
വിജയാഹ്ലാദത്തിന്റെ പേരില് നടത്തിയ ഈ ക്രൂരതയുടെ ദൃശ്യങ്ങള് ഇവര് തന്നെ സമൂഹമാധ്യമങ്ങളില് പങ്കുവയ്ക്കുകയും ചെയ്തു. സംഭവത്തിനെതിരെ വ്യാപകമായ പ്രതിഷേധമാണ് ഉയരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
