തിരുവനന്തപുരം: കെസിഎല്‍ രണ്ടാം സീസണില്‍ ഫൈനലില്‍ കടക്കുന്ന ആദ്യ ടീമായി നിലവിലെ ചാമ്പ്യന്‍മാരായ ഏരീസ് കൊല്ലം സെയ്ലേഴ്സ്. വെള്ളിയാഴ്ച നടന്ന ആദ്യ സെമിയില്‍ തൃശൂര്‍ ടൈറ്റന്‍സിനെതിരെ പത്തുവിക്കറ്റിന്റെ വിജയത്തോടെയാണ് ഫൈനല്‍ പ്രവേശം. ടോസ് നേടിയെ കൊല്ലം ടൈറ്റന്‍സിനെ ബാറ്റിങിന് അയക്കുകയായിരുന്നു. 17.1 ഓവറില്‍ വെറും 86 റണ്‍സിന് ഓള്‍ഔട്ടാക്കിയ കൊല്ലം, മറുപടി ബാറ്റിങ്ങില്‍ വെറും 9.5 ഓവറില്‍ വിക്കറ്റൊന്നും നഷ്ടപ്പെടാതെ ലക്ഷ്യത്തിലെത്തി.
അര്‍ധ സെഞ്ച്വറി നേടിയ ഭരത് സൂര്യയും അഭിഷേക് നായരുമാണ് കൊല്ലത്തിന് വിജയം എളുപ്പമാക്കിയത്. 31 പന്തില്‍ നിന്ന് മൂന്നു സിക്സും ഏഴ് ഫോറും ഉള്‍പ്പടെ 56 റണ്‍സ് നേടിയ ഭരതാണ് കൊല്ലത്തിന്റെ ടോപ് സ്‌കോറര്‍. 28 പന്തുകള്‍ നേരിട്ട അഭിഷേക്, ഒരു സിക്സും മൂന്ന് ഫോറുമടക്കം 32 റണ്‍സെടുത്തു.
ആദ്യം ബാറ്റ് ചെയ്ത ടൈറ്റന്‍സിന് കൊല്ലത്തിന്റെ ബൗളിങ്ങിനു മുന്നില്‍ പിടിച്ചുനില്‍ക്കാനായിരുന്നില്ല. 28 പന്തില്‍ നിന്ന് 23 റണ്‍സെടുത്ത ആനന്ദ് കൃഷ്ണനാണ് അവരുടെ ടോപ് സ്‌കോറര്‍. 10 പന്തില്‍ നിന്ന് 13 റണ്‍സെടുത്ത അഹമ്മദ് ഇമ്രാനാണ് ടീമില്‍ രണ്ടക്കം കടന്ന മറ്റൊരു താരം. ക്യാപ്റ്റന്‍ ഷോണ്‍ റോജര്‍ (7), അക്ഷയ് മനോഹര്‍ (6), അജു പൗലോസ് (6), സിബിന്‍ ഗിരീഷ് (6), അര്‍ജുന്‍ എകെ (6) എന്നിവരെല്ലാം നിരാശപ്പെടുത്തി. കൊല്ലത്തിനായി പവന്‍ രാജ്, അമല്‍, വിജയ് വിശ്വനാഥ്, അജയഘോഷ് എന്നിവര്‍ രണ്ടു വിക്കറ്റ് വീതം വീഴ്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
