തൃശൂര്: സീറ്റ് നല്കാത്തതിന്റെ പേരില് തല മുണ്ഡനം ചെയ്ത് പ്രതിഷേധിച്ച മഹിള കോണ്ഗ്രസ് മുന് അധ്യക്ഷ ലതിക സുഭാഷിന് എതിരെ ആലത്തൂര് എംപി രമ്യ ഹരിദാസ്. കോണ്ഗ്രസ് സ്ഥാനാര്ത്ഥി പട്ടികയില് ഒരു പ്രശ്നവുമില്ല. സ്ത്രീകള്ക്ക് പട്ടികയില് പ്രാതിനിധ്യം കിട്ടിയില്ലെന്ന് വിലയിരുത്താന് സാധിക്കില്ലെന്നും രമ്യ തൃശൂരില് പറഞ്ഞു.
സ്ഥാനാര്ത്ഥി പട്ടികയില് സ്ത്രീകളുടെ എണ്ണം കുറവാണ് എന്ന അഭിപ്രായം ഇല്ല. ജയസാധ്യത നോക്കിയാണ് സ്ഥാനാര്ത്ഥികളെ തീരുമാനിച്ചത്.
ലതിക സുഭാഷ് പ്രതിഷേധിക്കേണ്ട സാഹചര്യമില്ലായിരുന്നു. എന്നാല് അവര് പ്രകടിപ്പിച്ചത് സ്വന്തം വികാരമാണ്. ലതിക സ്വതന്ത്ര സ്ഥാനാര്ത്ഥിയാകുമെന്ന് കരുതുന്നില്ല. ഇത് സംബന്ധിച്ച വാര്ത്തകള് മാധ്യമ സൃഷ്ടികളാണെന്നും രമ്യ കൂട്ടിച്ചേര്ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
