വാഹന പരിശോധനയ്ക്കിടെ എക്സൈസ് ഉദ്യോ​ഗസ്ഥനെ തട്ടിക്കൊണ്ടുപോയി; വഴിയിൽ ഇറക്കിവിട്ടു; അറസ്റ്റ്

കണ്ണൂർ: വാഹന പരിശോധനയ്ക്കിടെ എക്സൈസ് ഉദ്യോ​ഗസ്ഥനെ തട്ടിക്കൊണ്ടുപോയ സംഭവത്തിൽ ഒരാൾ അറസ്റ്റിൽ. ബേപ്പൂർ സ്വദേശി യാസർ അറഫാത്തിനെയാണ് അറസ്റ്റ് ചെയ്തത്. കണ്ണൂർ കൂട്ടുപുഴ ചെക്പോസ്റ്റിൽ വെച്ചാണ് സംഭവമുണ്ടായത്.

യാസറിന്റെ വണ്ടി തടഞ്ഞ് ഉദ്യോ​ഗസ്ഥർ പരിശോധിക്കുകയായിരുന്നു. ഒരാൾ മുന്നിലും ഒരാൾ പിൻ സീറ്റിലുമാണ് പരിശോധന നടത്തിയത്. അതിനിടെ ഒരു ഉദ്യോ​ഗസ്ഥനെ തള്ളിമാറ്റിയ യാസർ മറ്റൊരു ഉദ്യോ​ഗസ്ഥനുമായി കടന്നു കളയുകയായിരുന്നു. അമിതവേ​ഗത്തിൽ അപകടകമായ രീതിയിലാണ് യാസർ വാഹനം ഓടിച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

മൂന്ന് കിലോമീറ്റർ അപ്പുറത്ത് ഉദ്യോ​ഗസ്ഥനെ ഇറക്കിവിടുകയും ചെയ്തു. തുടർന്ന് നടന്ന അന്വേഷണത്തിൽ മഞ്ചേരിയിൽ നിന്നാണ് ഇയാൾ പിടിയിലായത്. മയക്കുമരുന്ന് സംഘത്തിലെ കണ്ണിയാണ് യാസറെന്ന് എക്സൈസ് അധികൃതർ വ്യക്തമാക്കി.