കൊച്ചി: സിപിഎം പാര്ട്ടി നേതൃത്വത്തിനെതിരെ തുറന്നടിച്ച്, അന്തരിച്ച സംസ്ഥാന സെക്രട്ടറി കോടിയേരി ബാലകൃഷ്ണന്റെ ഭാര്യ വിനോദിനി. കോടിയേരി മരിച്ചശേഷം കുടുംബത്തെ തിരിഞ്ഞുനോക്കിയില്ല. സിപിഎം ഉന്നതനേതൃത്വം അവഗണിക്കുന്നെന്ന് പച്ചക്കുതിര മാഗസിനു നല്കിയ അഭിമുഖത്തില് വിനോദിനി ആരോപിച്ചു.
പി ബി അംഗത്തില്നിന്ന് നേരിട്ടത് ക്രൂരമായ അവഗണനയാണ്. കേരളത്തില് ഉന്നതസ്ഥാനം വഹിക്കുന്നയാളാണ് ആ അംഗം. ആവശ്യത്തിന് വിളിച്ചാല് പിബി അംഗം ഫോണെടുക്കാറില്ല. നാല് വര്ഷത്തിനിടെ ഒരിക്കല് പോലും കുടുംബത്തിന്റെ സൗഖ്യം അന്വേഷിച്ചില്ല. ആ നേതാവ് പിണറായി വിജയന് അല്ല. പിണറായിയെ ഫോണ് വിളിച്ചാല് എടുക്കും. അല്ലെങ്കില് അദ്ദേഹം തിരിച്ചു വിളിക്കുമെന്നും വിനോദിനി പറഞ്ഞു.
കേരളത്തില് പ്രധാന സ്ഥാനം വഹിക്കുന്ന പി ബി അംഗം ആവശ്യത്തിന് വിളിച്ചാല് ഫോണെടുക്കാറില്ലെന്നും വിനോദിനി ആരോപിക്കുന്നു. അതേസമയം ഈ വിഷയത്തെക്കുറിച്ച് കൂടുതല് പ്രതികരിക്കാനില്ലെന്ന് വിനോദിനി അഭിമുഖത്തില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
