കോഴിക്കോട്: കോഴിക്കോട് കോർപ്പറേഷന്റെ ബാങ്ക് അക്കൗണ്ടിൽ നിന്ന് പണം തട്ടിയ സംഭവത്തിൽ അന്വേഷണം സിബിഐ ഏറ്റെടുത്തു. ഹൈക്കോടതി നിർദേശപ്രകാരമാണ് കേസന്വേഷണം സിബിഐ ഏറ്റെടുത്തത്. കൊച്ചി സിബിഐ കോടതിയിൽ എഫ്ഐആർ സമർപ്പിച്ചു.
പഞ്ചാബ് നാഷണൽ ബാങ്കിലെ മുൻ മാനേജർ എംപി റിജിൽ ആണ് കേസിലെ പ്രതി. ഓഗസ്റ്റിലാണ് കേസ് അന്വേഷണം സിബിഐ ഏറ്റെടുക്കാൻ ഹൈക്കോടതി ഉത്തരവിട്ടത്. ഓഡിറ്റിംഗിലാണ് പണം നഷ്ടപ്പെട്ടതായി കോർപ്പറേഷൻ കണ്ടെത്തിയത്.
തുടർന്ന് പൊലീസിലും ബാങ്കിലും പരാതി നൽകുകയായിരുന്നു. പഞ്ചാബ് നാഷണൽ ബാങ്കിലെ മുൻ മാനേജർ റിജിൽ കോർപ്പറേഷൻ അക്കൗണ്ടുകളിൽ നിന്ന് 13 കോടി രൂപ തട്ടിയെടുത്തതായാണ് കണ്ടെത്തൽ.
പഞ്ചാബ് നാഷണൽ ബാങ്കിൽ തിരിമറി നടത്തിയ കേസിലെ പ്രതിയായ റിജിൽ കോർപ്പറേഷന്റെ അക്കൗണ്ടിലും തട്ടിപ്പ് നടത്തുകയായിരുന്നു. കോർപ്പറേഷന്റെ എട്ട് അക്കൗണ്ടിൽ നിന്നാണ് തട്ടിപ്പ് നടത്തിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
