തിരുവനന്തപുരം: പോസ്റ്റ് ഓഫീസില് പാഴ്സല് അയക്കാനെത്തുന്ന ഉപഭോക്താക്കള്ക്ക് മെച്ചപ്പെട്ട സേവനം ലഭ്യമാക്കാന് ഇനി കുടുംബശ്രീയും. തപാല് ഉരുപ്പടികള് പാഴ്സല് അയക്കുന്നതിനാവശ്യമായ പായ്ക്കിങ്ങ് ജോലികളാണ് കുടുംബശ്രീ യൂണിറ്റ് ചെയ്തു കൊടുക്കുക. പാഴ്സല് അയക്കേണ്ട ഉരുപ്പടികളുടെ വലിപ്പമനുസരിച്ച് തപാല് വകുപ്പിന്റെ താരിഫ് പ്രകാരമുള്ള തുകയാണ് ഉപഭോക്താവ് കുടുംബശ്രീ യൂണിറ്റിന് നല്കേണ്ടത്. ഇതു സംബന്ധിച്ച ധാരണപത്രം നാളെ ഒപ്പിടും.
തിരുവനന്തപുരം ജനറല് പോസ്റ്റ് ഓഫീസിലാണ് പരീക്ഷണാടിസ്ഥാനത്തില് പദ്ധതി ആദ്യം നടപ്പാക്കുന്നത് തപാല് ഉരുപ്പടികള് പാഴ്സല് അയക്കേണ്ടവര്ക്ക് പോസ്റ്റ് ഓഫീസില് പ്രവര്ത്തിക്കുന്ന കുടുംബശ്രീ യൂണിറ്റിനെ സമീപിക്കാം. ഉപഭോക്താക്കള്ക്ക് ഏറെ സഹായകമാകുന്നതും സുരക്ഷിതവുമായ രീതിയില് ഗുണമെന്മയുള്ള മെറ്റീരിയല് ഉപയോഗിച്ച് പ്രഫഷണല് രീതിയിലായിരിക്കും പായ്ക്കിങ്. കുടുംബശ്രീ വനിതകള്ക്ക് വരുമാനം ലഭ്യമാക്കുക എന്നതാണ് സൂക്ഷ്സംരംഭ മാതൃകയില് നടപ്പാക്കുന്ന പദ്ധതിയുടെ ലക്ഷ്യം. വിജയസാധ്യതകള് പരിശോധിച്ച ശേഷം മറ്റു ജില്ലകളിലേക്കും പദ്ധതി വ്യാപിപ്പിക്കും. ഇതു കൂടാതെ പോസ്റ്റര് വകുപ്പ് മുഖേന പോസ്റ്റര് ലൈഫ് ഇന്ഷുറന്സ് ഏജന്റായി പ്രവര്ത്തിക്കുന്നതിനും കുടുംബശ്രീ വനിതകള്ക്ക് അവസരമൊരുങ്ങും.
ചീഫ് പോസ്റ്റ് മാസ്റ്റര് ജനറല് കേരള സര്ക്കിള് ഷ്യൂലി ബര്മന്, അസിസ്റ്റന്റ് പോസ്റ്റ് മാസ്റ്റര് ജനറല് കേരള സര്ക്കിള് കെ. വി. വിജയകുമാര്, കുടുംബശ്രീ ചീഫ് ഓപ്പറേറ്റിങ്ങ് ഓഫീസ് ശ്രീകാന്ത് എ.എസ് എന്നിവര് പങ്കെടുക്കും.
ഈ വാര്ത്ത കൂടി വായിക്കൂ ഗവര്ണറെ അനുനയിപ്പിക്കാനില്ല; ഇനി ഓര്ഡിനന്സില്ല, നിയമസഭ സമ്മേളനം നേരത്തെ തീരുമാനിച്ചത്: പി രാജീവ്
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
