കുണ്ടറ പീഡന പരാതി: മന്ത്രി ശശീന്ദ്രന് പൊലീസിന്റെ ക്ലീന്ചിറ്റ്, റിപ്പോര്ട്ട് കൈമാറി
കൊല്ലം: കുണ്ടറ പീഡന പരാതി ഒത്തുതീര്പ്പാക്കാന് ഇടപെട്ടെന്ന ആരോപണത്തില് മന്ത്രി എ കെ ശശീന്ദ്രന് പൊലീസിന്റെ ക്ലീന്ചിറ്റ്. പരാതി പിന്വലിക്കാന് മന്ത്രി ആവശ്യപ്പെട്ടിട്ടില്ലെന്നും മന്ത്രിക്കെതിരെ കേസെടുക്കാനാവില്ലെന്നും പൊലീസ് റിപ്പോര്ട്ടില് വ്യക്തമാക്കുന്നു.
വിഷയം നല്ല രീതിയില് പരിഹരിക്കണമെന്നാണ് ശശീന്ദ്രന് നിര്ദേശിച്ചതെന്നും ശാസ്താംകോട്ട ഡിവൈഎസ്പി കൊല്ലം റൂറല് എസ്പിക്ക് നല്കിയ റിപ്പോര്ട്ടില് പറയുന്നു.
യൂത്ത്ലീഗ് നേതാവായ സഹല് നല്കിയ പരാതിയിലാണ് പൊലീസ് റിപ്പോര്ട്ട്. മന്ത്രി പരാതി പിന്വലിക്കാന് ആവശ്യപ്പെടാതിരുന്ന സാഹചര്യത്തില് കേസെടുക്കാന് പൊലീസിനാവില്ല. ഇതുമായി ബന്ധപ്പെട്ട നിയമോപദേശം തേടിയെന്നും റിപ്പോര്ട്ടില് പറയുന്നു.
പരാതിക്കാരിയോട് മന്ത്രി സംസാരിച്ചിട്ടില്ല. അവരുടെ അച്ഛനോട് മാത്രമാണ് സംസാരിച്ചത്. പരാതിക്കാരിയുടെ പേരോ മറ്റോ മന്ത്രി പരാമര്ശിച്ചിട്ടില്ലെന്നും ശശീന്ദ്രന് ക്ലീന് ചിറ്റ് നല്കുന്ന റിപ്പോര്ട്ടില് പറയുന്നു.
അതേസമയം, അന്വേഷണത്തില് സര്ക്കാര് ഇടപെടില്ലെന്നും പരാതിയില് സ്വാഭാവികമായ നടപടിയുണ്ടാകുമെന്നും മന്ത്രി എ കെ ശശീന്ദ്രന് പ്രതികരിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
