തിരുവനന്തപുരം: സംസ്ഥാനത്ത് ജൂണ്‍ 19വരെയുള്ള ഭാഗ്യക്കുറി നറുക്കെടുപ്പ് റദ്ദാക്കി. ഭാഗ്യക്കുറി വകുപ്പ് ജൂണ്‍ 7 മുതല്‍ 19 വരെ നറുക്കെടുപ്പ് നിശ്ചയിച്ചിരുന്ന വിന്‍ വിന്‍ -619 , 620 സ്ത്രീശക്തി 264 ,265 അക്ഷയ 501 , 502 കാരുണ്യാപ്ലസ് 372 ,373 നിര്‍മല്‍ 228 , 229 കാരുണ്യ 503 , 504 എന്നീ 12 ഭാഗ്യക്കുറി നറുക്കെടുപ്പുകളാണ് റദ്ദാക്കിയിരിക്കുന്നത്.
ഇതോടെ നിലവിലെ കോവിഡ് നിയന്ത്രണങ്ങളുടെ പശ്ചാത്തലത്തില്‍ 33 ഭാഗ്യക്കുറികള്‍ റദ്ദാക്കുകയും, ഭാഗ്യമിത്ര ബി എം 06 ലൈഫ് വിഷു ബമ്പര്‍ -ബി ആര്‍ 79 ഉള്‍പ്പെടെ 9 ഭാഗ്യക്കുറികളുടെ നറുക്കെടുപ്പ് മാറ്റിവയ്ക്കുകയും ചെയ്തു.
മാറ്റിവച്ച നറുക്കെടുപ്പ് തീയതി പിന്നീട് അറിയിക്കുമെന്ന് ഭാഗ്യകുറി വകുപ്പ് പബ്ലിസിറ്റി ഓഫീസര്‍ അറിയിച്ചു. ലോക്ക്ഡൗണിന്റെ പശ്ചാത്തലത്തില്‍ കഴിഞ്ഞ മാസവും ഭാഗ്യക്കുറികള്‍ റദ്ദാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
