കപ്പൽ യാത്രക്കിടെ മലയാളി മർച്ചന്റ് നേവി ഉദ്യോ​​ഗസ്ഥനെ കാണാതായി; തിരച്ചിൽ

മലപ്പുറം: മലയാളി മർച്ചന്റ് നേവി ഉദ്യോ​ഗസ്ഥനെ കപ്പൽ യാത്രക്കിടെ കാണാതായി. ലൈബീരിയൻ എണ്ണ കപ്പലായ എംടി പറ്റ്മോസിന്റെ മലപ്പുറം നിലമ്പൂർ സ്വദേശി മനേഷ് കേശവദാസിനെയാണ് കാണാതായത്. അബുദാബിയിൽ നിന്നു മലേഷ്യയിലേക്കുള്ള യാത്രക്കിടെയാണ് ഇദ്ദേഹത്തെ കാണാതായതെന്നു കപ്പൽ കമ്പനി അധികൃതർ കുടുംബത്തെ അറിയിച്ചു. തിരച്ചിൽ തുടരുകയാണ്. 

അബുദാബിയിലെ ജബൽ ധാനയിൽ നിന്നു മലേഷ്യയിലേക്ക് ചരക്കുമായി പോകുന്നതിനിടെ ബുധനാഴ്ചയാണ് മനേഷിനെ കാണാതായത്. പുലർച്ചെ നാല് മണിക്കു ഡ്യൂട്ടി കഴിഞ്ഞു വിശ്രമിക്കാനായി കപ്പലിലെ മുറിയിൽ പോയ മനേഷിനെ പിന്നീട് കാണാതായെന്നാണ് കമ്പനി അധികൃതർ പറയുന്നത്. 

അവധിക്ക് നാട്ടിലെത്തിയ മനേഷ് ഓ​ഗസ്റ്റ് മൂന്നിനാണ് മടങ്ങിയത്. കുടുംബം വിദേശ കാര്യ മന്ത്രാലയത്തിനും കോസ്റ്റ് ​ഗാർഡ‍ിനും പരാതി നൽകി. 

ഈ വാർത്ത കൂടി വായിക്കൂ 

ഇന്നും മഴ കനക്കും, ഏഴ് ജില്ലകളിൽ യെല്ലോ അലർട്ട്; മത്സ്യബന്ധനത്തിനു വിലക്ക്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ