'100 കോടി അക്കൗണ്ടിൽ ഇടണം, അല്ലെങ്കിൽ മുഖ്യമന്ത്രിയും മരുമകനും പണിവാങ്ങും'; ഭീഷണി സന്ദേശം, പ്രതി അറസ്റ്റിൽ 

തിരുവനന്തപുരം: മുഖ്യമന്ത്രിയോട് 100 കോടി ആവശ്യപ്പെട്ടു ഭീഷണി സന്ദേശം അയച്ച ആൾ അറസ്റ്റിൽ. കാട്ടാക്കട അബലത്തിൻകാല സ്വദേശി അജയകുമാർ (53) ആണ് കാട്ടാക്കട പൊലീസിന്റെ പിടിയിലായത്.100 കോടി രൂപ പ്രതിയുടെ അക്കൗണ്ടിൽ ഇടണമെന്നും അല്ലെങ്കിൽ മുഖ്യമന്ത്രിയും മരുമകനും ഒകെ പണി വാങ്ങും എന്നു പറഞ്ഞായിരുന്നു ഭീഷണി.

രണ്ടാഴ്ച മുൻപ് ഈമെയിൽ വഴിയാണ് ഇയാൾ സന്ദേശം അയച്ചത്. ഭീഷണി സന്ദേശം ഇമെയിൽ അയക്കാനായി ഉപയോഗിച്ച ഫോണും പൊലീസ് പിടിച്ചെടുത്തു. പൊലീസ് ഹൈടെക് സെല്ലിൽ നിന്നും കാട്ടാക്കട പൊലീസ് സ്റ്റേഷനിലേക്ക് കൈമാറിയ പരാതിയിൽ കട്ടാക്കട പൊലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് അജയകുമാർ പിടിയിലായത്.

മുൻപ് വിമുക്ത ഭടൻറെ വീട്ടിൽ കയറി വീട്ടുകാരെ ഭീഷണിപ്പെടുത്തുകയും കുട്ടിയുടെ കഴുത്തിൽ കത്തി വച്ചു ഭീഷണി മുഴക്കുകയും ചെയ്ത കേസിൽ ഇയാൾ ശിക്ഷിക്കപ്പെട്ടിട്ടുണ്ട്. അറസ്റ്റ് ചെയ്‌ത് പ്രതിയെ കോടതിയിൽ ഹാജരാക്കി.

ഈ വാര്‍ത്ത കൂടി വായിക്കൂ 

ഇന്ന് ചികിത്സ തേടിയത് 12,876പേര്‍, 133പേര്‍ക്ക് ഡെങ്കിപ്പനി, കൂടുതല്‍ പ്രതിരോധ നടപടികളെന്ന് ആരോഗ്യമന്ത്രി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ