മാനന്തവാടി: മാനന്തവാടി കണ്ണോത്ത്മലയില് ജീപ്പ് മറിഞ്ഞ് മരിച്ചവരുടെ സംസ്കാര ചടങ്ങുകള്ക്കായി അടിയന്തരമായി പതിനായിരം രൂപ വീതം അനുവദിക്കാന് ജില്ലാ കലക്ടര്ക്ക് മന്ത്രി എകെ ശശീന്ദ്രന് നിര്ദേശം നല്കി. പകല് മുഴുവന് ജോലി ചെയ്ത് വീടുകളിലേക്ക് മടങ്ങിയ സാധാരണക്കാരായ തൊഴിലാളികളാണ് അപടകത്തില് മരിച്ചത്. ഇതില് അങ്ങേയറ്റം ദുഖമുണ്ട് മന്ത്രി പറഞ്ഞു.
ജീപ്പില് പതിനാല് പേരാണ് ഉണ്ടായിരുന്നതെന്നാണ് വിവരങ്ങള് ലഭിക്കുന്നത്. പരിക്കേറ്റ് ചികിത്സയില് കഴിയുന്നവര്ക്ക് മികച്ച ചികിത്സ ഉറപ്പാക്കും. പരിക്ക് ഗുരുതരമായ ഒരാളെ കോഴിക്കോട് മെഡിക്കല് കോളജില് എത്തിച്ച് വിദഗ്ധ ചികിത്സ നല്കാന് നിര്ദ്ദേശം നല്കിയിട്ടുണ്ട്. മറ്റുള്ളവരുടെ ആരോഗ്യ നില പരിശോധിച്ച് ആവശ്യമുള്ള ചികിത്സ നല്കും. ദുരന്തത്തില് ഇരയായവരുടെ കുടുംബത്തിന് സര്ക്കാര് സമാശ്വാസം നല്കും. മുഖ്യമന്ത്രി നേരിട്ട് നിര്ദ്ദേശം നല്കിയതിന്റെയും അടിസ്ഥാനത്തിലാണ് ഉടനടി സംഭവസ്ഥലത്ത് എത്തിയത്. അപകടത്തില് മരിച്ചവരുടെ ഇന്ക്വസ്റ്റ് നടപടികള് തുടങ്ങിയതായും ശനിയാഴ്ച രാവിലെ തന്നെ പോസ്റ്റ് മോര്ട്ടം നടപടികള് തുടങ്ങുമെന്നും വൈകാതെ മൃതദേഹങ്ങള് ബന്ധുക്കള്ക്ക് വിട്ടുനല്കാനുള്ള നടപടികളെടുക്കുമെന്നും മന്ത്രി എ കെ ശശീന്ദ്രന് പറഞ്ഞു.
അപടകടം സംബന്ധിച്ച് റിപ്പോര്ട്ട് സമര്പ്പിക്കാന് കലക്ടറെ മന്ത്രി ചുമതലപ്പെടുത്തി. ഒ ആര് കേളു എംഎല്എ, ജില്ലാ പഞ്ചായത്ത് പ്രസിഡന്റ് സംഷാദ് മരക്കാര് തുടങ്ങിയവര് മന്ത്രിയോടൊപ്പമുണ്ടായിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
