'പരാതി വ്യാജമെങ്കില്‍ ജയിച്ചാല്‍ എംഎല്‍എ സ്ഥാനം രാജിവയ്ക്കും; എഐ ഓഡിയോ എങ്കില്‍ പൊലീസില്‍ പരാതി നല്‍കാത്തത് എന്ത്?'

ഒരു സിറ്റിങ് മന്ത്രിക്കെതിരെ എന്നെപ്പോലൊരാള്‍ എഐ ഉപയോഗിച്ച് ഇങ്ങനെയൊരു തെരഞ്ഞെടുപ്പ് സമയത്ത് ഓഡിയോ ഉണ്ടാക്കിയിട്ടുണ്ടെങ്കില്‍ അത് ഗൗരവമുള്ള കാര്യമാണ്. അത് ക്രിമിനല്‍ കുറ്റമാണ്. എന്നിട്ടും എന്തുകൊണ്ടാണ് അന്വേഷണം നടത്താത്തത്.
Mathew Kuzhalnadan
മാത്യു കുഴല്‍നാടന്‍ എംഎല്‍എ
Updated on: 
1 min read

കൊച്ചി: 2018ലെ പ്രളയം മനുഷ്യനിര്‍മിതമാണെന്ന് വൈദ്യുതി മന്ത്രിയുടെതെന്ന് അവകാശപ്പെട്ട് പുറത്തുവിട്ട ഓഡിയോയില്‍ വിശദീകരണവുമായി മാത്യു കുഴല്‍നാടന്‍ എംഎല്‍എ. ഓഡിയോ എഐ ഉപയോഗിച്ചത് നിര്‍മിച്ചതാകാമെന്ന കൃഷ്ണന്‍ കുട്ടിയുടെ മറുപടിയോട് പ്രതികരിക്കുകയായിരുന്നു അദ്ദേഹം. ഓഡിയോ എഐ ഉപയോഗിച്ച് നിര്‍മിച്ചതാണെങ്കില്‍ എന്തുകൊണ്ടാണ് പൊലീസില്‍ പരാതി നല്‍കാത്തതെന്ന് മാത്യു കുഴല്‍നാടന്‍ ചോദിച്ചു. ഉന്നയിച്ച പരാതി വ്യാജമെങ്കില്‍ ജയിച്ചാല്‍ എംഎല്‍എ സ്ഥാനം രാജിവയ്ക്കുമെന്നും കുഴല്‍നാടന്‍ പറഞ്ഞു.

Mathew Kuzhalnadan
'ഏതു സമയവും ആനകൾ കയറിവരും, എന്തിനാണ് ഇവിടേക്ക് ആളുകളെ കൊണ്ടുവന്ന് ദുരിതത്തിലാക്കുന്നത്?'; വയനാട്ടിൽ കോൺഗ്രസ് വാങ്ങിയ ഭൂമിക്കെതിരെ പ്രദേശവാസികൾ

'ഒരു സിറ്റിങ് മന്ത്രിക്കെതിരെ എന്നെപ്പോലൊരാള്‍ എഐ ഉപയോഗിച്ച് ഇങ്ങനെയൊരു തെരഞ്ഞെടുപ്പ് സമയത്ത് ഓഡിയോ ഉണ്ടാക്കിയിട്ടുണ്ടെങ്കില്‍ അത് ഗൗരവമുള്ള കാര്യമാണ്. അത് ക്രിമിനല്‍ കുറ്റമാണ്. എന്നിട്ടും എന്തുകൊണ്ടാണ് അന്വേഷണം നടത്താത്തത്. പൊലീസ് അവരുടേതാണ്. പിണറായി വിജയന്‍ ഇന്ന് ഒരു പരാതി കൊടുത്താല്‍ എനിക്കെതിരെ അന്വേഷണം വരും. എഐ ഓഡിയോ ആണെന്ന് ഉറപ്പുണ്ടെങ്കില്‍ എന്തുകൊണ്ടാണ് പരാതി കൊടുക്കാത്തത്. ഈ സര്‍ക്കാരോ ഇതിനു പുറകെ വരുന്ന സര്‍ക്കാരോ ഓഡിയോയെക്കുറിച്ച് അന്വേഷണം നടത്തട്ടെയെന്നും സത്യം പുറത്തുവരാന്‍ അതാണ് നല്ലത്' മാത്യു കുഴല്‍നാടന്‍ പറഞ്ഞു.

Mathew Kuzhalnadan
പണം മകന്റെ അക്കൗണ്ടിലേക്ക് മാറ്റി; ആസ്തി വിവരങ്ങള്‍ തെറ്റായി നല്‍കി; ജി സുധാകരനെതിരെ തെരഞ്ഞെടുപ്പ് കമ്മീഷന് പരാതി

പ്രളയം മനുഷ്യനിര്‍മിതമാണെന്നും ഇതിനു പിന്നില്‍ അഴിമതിയാണെന്നുമാണ് മാത്യു കുഴല്‍നാടന്‍ ആരോപിച്ചത്. അഴിമതിക്ക് തെളിവായി വൈദ്യുതി മന്ത്രി കെ സഷ്ണന്‍കുട്ടിയുടേതെന്ന് അവകാശപ്പെട്ട ഫോണ്‍ സംഭാഷണവും കുഴല്‍നാടന്‍ പുറത്തുവിട്ടിരുന്നു. സ്വകാര്യ കമ്പനികള്‍ക്ക് ലാഭമുണ്ടാക്കാനായി ഡാമുകള്‍ തുറക്കാന്‍ വൈകിയതാണ് വെള്ളപ്പൊക്കത്തിന് കാരണമായതെന്നാണ് ആരോപണം.

Summary

Mathew Kuzhalnadan against k krishnankutty

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

Mathew Kuzhalnadan
Mathew Kuzhalnadan
Mathew Kuzhalnadan
Ramesh Chennithala
X

FOLLOW US

ON GOOGLE DISCOVER