'ബംഗാളികള്‍ ജയിക്കുമെന്ന് പറഞ്ഞു ആരോടെങ്കിലും ബെറ്റ് വെച്ചോ?'

പാലക്കാട്: എം ബി രാജേഷ് എന്നു കേള്‍ക്കുമ്പോള്‍ മലയാളികളുടെ മനസ്സിലേക്ക് പെട്ടെന്ന് തെളിയുന്നത് വെട്ടിയൊതുക്കിയ സുന്ദരമായ താടിയുള്ള  മുഖമാണ്. വിദ്യാര്‍ത്ഥി സംഘടനാ നേതൃനിരയില്‍ പ്രവര്‍ത്തിക്കുന്ന കാലം തൊട്ട് മന്ത്രിയാകുന്നതു വരെ താടിയുള്ള എം ബി രാജേഷ് എന്ന രാഷ്ട്രീയക്കാരനെയാണ് കേരളം കണ്ടത്. 

എന്നാല്‍ പൊടുന്നനെ താടി വടിച്ച ചിത്രം ഫെയ്‌സ്ബുക്കിലിട്ട് മന്ത്രി രാജേഷ് അനുയായികളെ ഞെട്ടിച്ചു. പുതിയ ചിത്രം പെട്ടെന്നു തന്നെ വൈറലായി. പുതിയ ചിത്രത്തിന് താഴെ പലതരത്തിലുള്ള കമന്റുകളാണ് നിറയുന്നത്. 

താടിയുള്ള മുഖം തന്നെയാണ് സുന്ദരമെന്ന് ചില കൂട്ടര്‍ പറയുന്നു. താടിയായിരുന്നു ഭംഗി. താടി ഇല്ലാത്തതിനാല്‍ ഇപ്പം മോത്തു നോക്കിയാല്‍ ഒരു ഈമാനില്ലെന്നാണ് ഒരു കമന്റ്. പറ്റില്ല, ഇതു പറ്റില്ല, എംബി രാജേഷ് എന്നു കേള്‍ക്കുമ്പോള്‍ താടിയുള്ള മുഖമാണ് ഓര്‍മ്മ വരുന്നതെന്ന് മറ്റൊരാള്‍ അഭിപ്രായപ്പെട്ടു. 

അതേസമയം പുതിയ ലുക്ക് കൊള്ളാമെന്ന് ലിന്റോ ജോസഫ് എംഎല്‍എ പറയുന്നു. പുതിയ ലുക്കില്‍ 15 വയസ്സ് കുറഞ്ഞു പഴയ എസ്എഫ്‌ഐക്കാരന്‍ ആയല്ലോയെന്നാണ് മറ്റൊരാളുടെ കമന്റ്. താടി വടിക്കാന്‍ കാരണം, ഇന്നലത്തെ ഫുട്ബാള്‍ മത്സരത്തില്‍ ബംഗാളികള്‍ ജയിക്കുമെന്ന് പറഞ്ഞു ആരോടെങ്കിലും ബെറ്റ് വെച്ചോ ? എന്നാണ് മറ്റൊരാള്‍ ചോദിക്കുന്നത്.

ഈ വാര്‍ത്ത കൂടി വായിക്കൂ 

പാലക്കാട് വീണ്ടും തെരുവുനായ ആക്രമണം; മുന്‍ എംഎല്‍എ അടക്കം നാലുപേര്‍ക്ക് കടിയേറ്റു

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ