തൃശൂര്: തൃശൂരില് എംബിബിഎസ് വിദ്യാര്ഥിനി കെട്ടിടത്തിന്റെ മുകളില് നിന്ന് ചാടി ആത്മഹത്യ ചെയ്തു. ജൂബിലി മിഷന് ആശുപത്രി ഹോസ്റ്റല് കെട്ടിടത്തിന്റെ മുകളില് നിന്ന് ചാടിയാണ് ഒന്നാം വര്ഷ എംബിബിഎസ് വിദ്യാര്ഥിനി ആത്മഹത്യ ചെയ്തത്. കോട്ടയം സ്വദേശിയ സ്നേഹ പൗലോസ് ആണ് മരിച്ചത്. 20 വയസ്സായിരുന്നു.
ഹോസ്റ്റല് ബ്ലോക്കിന്റെ നാലാംനിലയില് നിന്ന് വിദ്യാര്ഥിനി താഴേക്ക് ചാടുകായിരുന്നെന്നാണ് വിവരം ഉടന് തന്നെ കുട്ടിയെ ആശുപത്രിയിലെ തീവ്രപരിചരണ വിഭാഗത്തില് എത്തിച്ചെങ്കിലും ജീവന് രക്ഷിക്കാനായില്ല. ആത്മഹത്യയുടെ കാരണം വ്യക്തമല്ല. സംഭവത്തിന് പിന്നാലെ ഈസ്റ്റ് പൊലീസ് സ്ഥലത്തെത്തി അന്വേഷണം ആരംഭിച്ചു.
രാവിലെ പതിനൊന്ന് മണിയോടെയായിരുന്നു സംഭവം. വിവരമറിഞ്ഞ് വിദ്യാര്ഥിനിയുടെ വീട്ടുകാര് തൃശൂരിലേക്ക് തിരിച്ചിട്ടുണ്ട്. വിദ്യാര്ഥിനിക്ക് എംബിബിഎസ് കോഴ്സിനോട് താത്പര്യമുണ്ടായിരുന്നില്ലെന്ന് സഹപാഠികള് പറഞ്ഞു. ഇതാവാം ആത്മഹത്യയിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
