മുഖ്യമന്ത്രിയുടെ ​ഗൾഫ് പര്യടനത്തിന് അനുമതിയില്ല; നിഷേധിച്ച് വിദേശകാര്യ മന്ത്രാലയം

തിരുവനന്തപുരം: മുഖ്യമന്ത്രി  പിണറായി വിജയന്റെ ഗള്‍ഫ് പര്യടനത്തിന് വിദേശകാര്യമന്ത്രാലയം അനുമതി നിഷേധിച്ചു. കാരണമൊന്നും വ്യക്തമാക്കാതെയാണ് അനുമതി നിഷേധിച്ചത്. വിദേശകാര്യ മന്ത്രാലയത്തിന്റെ അറിയിപ്പ് സംസ്ഥാന സര്‍ക്കാരിന് ലഭിച്ചു.

ഒക്ടോബര്‍ 16 വ്യാഴാഴ്ച മുതല്‍ നവംബര്‍ ഒന്‍പതുവരെയാണ് മുഖ്യമന്ത്രിയുടെ ​ഗൾഫ് പര്യടനം നിശ്ചയിച്ചിരുന്നത്. ഒക്ടോബര്‍ 16-ന് ബഹ്‌റൈന്‍, ഒക്ടോബര്‍ 17-ന് സൗദി, ദമാം, ഒക്ടോബര്‍ 18- ജിദ്ദ, ഒക്ടോബര്‍ 19- റിയാദ് എന്നിങ്ങനെ ആയിരുന്നു സന്ദര്‍ശനം നിശ്ചയിച്ചിരുന്നത്.

ഒക്ടോബര്‍ 24, 25 ദിവസങ്ങളില്‍ ഒമാനിലെ മസ്‌ക്കറ്റിലേയും സലാലയിലേയും പരിപാടികളില്‍ പങ്കെടുക്കാനും തീരുമാനിച്ചിരുന്നു. ഒക്ടോബര്‍ 30-ന് ഖത്തറിലും നവംബര്‍ ഏഴിന് കുവൈത്ത്, നവംബര്‍ ഒന്‍പതിന് അബുദാബി- എന്നിങ്ങനെയുമായിരുന്നു സന്ദര്‍ശനം തീരുമാനിച്ചിരുന്നത്.