ചീഫ് സെക്രട്ടറിയെയും സര്ക്കാരിനെയും വിമര്ശിച്ചതിന്റെ പേരില് സസ്പെന്ഷനിലായ ഐഎഎസ് ഉദ്യോഗസ്ഥരായ ഡോ ബി.അശോകിന്റെയും എന് പ്രശാന്തിന്റെയും സസ്പെന്ഷന് പിന്വലിച്ചു. ഫയലില് മുഖ്യമന്ത്രി വിഡി സതീശന് ഒപ്പിട്ടു. പ്രശാന്ത് കഴിഞ്ഞ രണ്ടുവര്ഷമായും ബി അശോക് ഒന്നരവര്ഷമായും സസ്പെന്ഷനിലാണ്..കോടിയേരി ബാലകൃഷ്ണന്റെ ഭാര്യ വിനോദിനി ബാലകൃഷ്ണന്റെ വിമര്ശനത്തിന് മറുപടിയുമായി സിപിഎം സംസ്ഥാന സെക്രട്ടറി എംവി ഗോവിന്ദന്. പാര്ട്ടി ആരെയും അവഗണിച്ചിട്ടില്ലെന്നും താന് ദിവസങ്ങള്ക്ക് മുന്പ് അവിടെ പോയിരുന്നതായും ഗോവിന്ദന് പറഞ്ഞു..അയർലൻഡ്, ഇംഗ്ലണ്ട് ടി20 പര്യടനങ്ങൾക്കും ജപ്പാനിൽ നടക്കുന്ന ഏഷ്യൻ ഗെയിംസിനുമുള്ള ഇന്ത്യൻ ടീമുകളെ ബിസിസിഐ പ്രഖ്യാപിച്ചു. ടി20 ഫോർമാറ്റിൽ ഇന്ത്യൻ ടീമിനെ ഇനി ശ്രേയസ് അയ്യർ നയിക്കും. സൂര്യകുമാർ യാദവിന് പകരക്കാരനായാണ് ശ്രേയസ് അയ്യർ ടീമിനെ നയിക്കാൻ എത്തുന്നത്..കരുവന്നൂര് കള്ളപ്പണ ഇടപാട് കേസില് സിപിഎം നേതാക്കള്ക്കെതിരെ പ്രഥമദൃഷ്ട്യാ തെളിവുണ്ടെന്ന് കോടതി. 28 പ്രതികളും വിചാരണ നേരിടണമെന്നും കൊച്ചിയിലുള്ള പിഎംഎല്എ കോടതി ഉത്തരവിട്ടു. പ്രതികള്ക്ക് സമ്മന്സ് അയച്ച കോടതി, ജൂലൈ നാലിന് കേസ് പരിഗണിക്കുമ്പോള് പ്രതികള് നേരിട്ട് ഹാജരാകണമെന്നും ഉത്തരവില് പറയുന്നു..നടൻ സലിം കുമാറിനെ ആശുപത്രിയിൽ പ്രവേശിപ്പിച്ചു. അമൃത ആശുപത്രിയിൽ പ്രവേശിപ്പിച്ച അദ്ദേഹത്തെ ആരോഗ്യസ്ഥിതി മോശമായതിനെ തുടർന്ന് വെന്റിലേറ്ററിലേക്ക് മാറ്റി. ഡോക്ടർമാരുടെ വിദഗ്ധസംഘം പരിശോധന തുടരുകയാണ്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
