അർബുദത്തോടുള്ള പോരാട്ടം അവസാനിപ്പിച്ചു; മരണത്തിന് കീഴടങ്ങി നന്ദു മഹാദേവ

കോഴിക്കോട്: അർബുദവുമായുള്ള പോരാട്ടം അവസാനിപ്പിച്ച് നന്ദു മഹാദേവ(27) മരണത്തിന് കീഴടങ്ങി. അർബുദവുമായുള്ള പോരാട്ടത്തിനിടയിലും നിറഞ്ഞ ചിരിയുമായി പൊരുതുന്ന നന്ദു നിരവധി പേർക്ക് പ്രചോദനമായിരുന്നു. 

കോഴിക്കോട് എംവിആർ ക്യാൻസർ സെന്ററിൽ ശനിയാഴ്ച പുലർച്ചെ 3.30നായിരുന്നു അന്ത്യം.  തിരുവനന്തപുരം ഭരതന്നൂർ സ്വദേശിയാണ് നന്ദു.  അർബുദം നന്ദുവിന്റെ ശ്വാസകോശത്തെയും പിടിമുറുക്കിയതോടെയാണ് നന്ദുവിന്റെ ആരോ​ഗ്യനില വഷളായത്. അതി ജീവനം എന്ന കൂട്ടായ്മയുടെ മുഖ്യ സംഘാടകനായിരുന്നു നന്ദു.

അർബുധത്തോടുള്ള തന്റെ പോരാട്ടത്തിന്റെ ഓരോ ഘട്ടവും നന്ദു സമൂഹ മാധ്യമങ്ങളിലൂടെ  അറിയിച്ചിരുന്നു. നിരവധി പേരാണ് നന്ദുവിനെ സമൂഹ മാധ്യമങ്ങളിൽ പിന്തുടരുന്നത്. ജീവിതത്തിന്റെ ഒരു ഘട്ടത്തിലും തോറ്റുകൊടുക്കരുതെന്നാണ് നന്ദു പറഞ്ഞിരുന്നത്.