തിരുവനന്തപുരം: ദേശീയപാതയുടെ സുരക്ഷ പരിശോധിക്കണമെന്ന് മുഖ്യമന്ത്രി വി ഡി സതീശന്. ഇക്കാര്യം ചൂണ്ടിക്കാട്ടി കേന്ദ്ര ഉപരിതല ഗതാഗത മന്ത്രി നിതിന് ഗഡ്ഗരിക്ക് മുഖ്യമന്ത്രി കത്തയച്ചു. തൃശൂര് കൈപ്പമംഗലം വാഹനാപകടത്തിന്റെ പശ്ചാത്തലത്തിലാണ് മുഖ്യമന്ത്രി കത്തയച്ചിരിക്കുന്നത്.
ദേശീയ പാതയില് വാഹനങ്ങളുടെ അശാസ്ത്രീയവും നിയമവിരുദ്ധവുമായ പാര്ക്കിംഗ് തടയുന്നതിന് കര്ശന നിയന്ത്രണം ഏര്പ്പെടുത്തണം. മുന്നറിയിപ്പ് സംവിധാനങ്ങള് വേണമെന്നും കേന്ദ്രമന്ത്രിയ്ക്ക് അയച്ച കത്തില് മുഖ്യമന്ത്രി ആവശ്യപ്പെട്ടു. അടിയന്തരമായി പരിശോധനകള് നടത്തി ഇടപെടണമെന്നും മുഖ്യമന്ത്രി കത്തില് ആവശ്യപ്പെട്ടിട്ടുണ്ട്.
ദേശീയപാത നിര്മ്മാണ മേഖലയില് എത്തുന്ന വാഹനങ്ങളുടെയും മറ്റ് ഭാരവാഹനങ്ങളുടെയും അശാസ്ത്രീയവും നിയമവിരുദ്ധവുമായ പാര്ക്കിംഗ് തടയുന്നതിന് കര്ശന നിയന്ത്രണം ഏര്പ്പെടുത്തണമെന്നും മുഖ്യമന്ത്രി ആവശ്യപ്പെട്ടിട്ടുണ്ട്. തൃശൂരിലെ കൈപ്പമംഗലത്ത് കാര് ലോറിയില് ഇടിച്ചുകയറിയുണ്ടായ അപകടത്തില് ഏഴു വിദ്യാര്ഥികള് അടക്കം എട്ടുപേരാണ് മരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
