കോട്ടയം; പാലാ സെന്റ് തോമസ് കോളേജ് വിദ്യാര്ത്ഥിനി നിഥിനാമോളെ കാമുകന് അഭിഷേക് ബൈജു കഴുത്തറുത്തു കൊന്ന കേസില് കുറ്റപത്രം സമര്പ്പിച്ചു. പാലാ ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് കുറ്റപത്രം സമര്പ്പിച്ചത്. നിഥിനാ മുൻകാമുകനുമായി അടുത്തുവെന്ന സംശയമാണ് കൊലനടത്താൻ പ്രേരിപ്പിച്ചത്. ഒരാഴ്ച ആസൂത്രണം ചെയ്താണ് കൊല നടത്തിയെന്നാണ് കുറ്റപത്രത്തില് പറയുന്നത്.
ഏത് ഞരമ്പ് മുറിക്കണമന്ന് തിരഞ്ഞു
ഒരാഴ്ച മുമ്പുതന്നെ പെട്ടെന്നെങ്ങനെ ഒരാളെ കൊല്ലാമെന്നതും ഏത് ഞരന്പ് മുറിക്കണമന്നതും വെബ്സൈറ്റുകളിലൂടെ പ്രതി മനസിലാക്കി. ഇതിനായി 50ല്പരം വീഡിയോകള് കണ്ടു. ചെന്നൈയിലെ പ്രണയക്കൊലയുടെ വിശദാംശത്തെ കുറിച്ചുള്ള വീഡിയോ പലതവണ അഭിഷേക് കണ്ടിരുന്നു. കൃത്യം നിര്വ്വഹിക്കാന് പുതിയ ബ്ലേഡും വാങ്ങിയെന്നുമാണ് കുറ്റപത്രത്തിലുള്ളത്.
മുന് കാമുകന് ഉള്പ്പെടെ 80 സാക്ഷികൾ
നിഥിനാമോളുടെ മുന് കാമുകന് ഉള്പ്പെടെ 80 സാക്ഷികളാണ് കേസിലുള്ളത്. ഫോറന്സിക് വിദഗ്ധരുടെ റിപ്പോര്ട്ടുകള് ഉള്പ്പെടെ 48 രേഖകളും കുറ്റപത്രത്തോടൊപ്പം പൊലീസ് ഹാജരാക്കി. ഒക്ടോബര് ഒന്നിനാണ് പാലാ സെന്റ് തോമസ് കോളേജില് പരീക്ഷ എഴുതാനെത്തിയ വൈക്കം സ്വദേശിയായ നിഥിനാ മോള് ദാരുണമായി കൊല്ലപ്പട്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
