ന്യുഡല്ഹി: കൊട്ടാരക്കര ഗണപതി ക്ഷേത്രത്തിലെ ഉണ്ണിയപ്പത്തിന്റെ വിലവര്ധനയ്ക്കെതിരെ സുപ്രീം കോടതിയില് ഹര്ജി. എറണാകുളം സ്വദേശി പിആര് രാജീവാണ് ഹര്ജി ഫയല് ചെയ്തത്. പത്ത് ഉണ്ണിയപ്പം അടങ്ങുന്ന പാക്കറ്റിന് 30 രൂപയില് നിന്ന് 40 രൂപയായി ഉയര്ത്താനുള്ള തീരുമാനത്തിനെതിരെയാണ് ഹര്ജി.
വില വര്ധന അടിയന്തിരമായി സ്റ്റേ ചെയ്യണമെന്ന് ഹര്ജിയിലെ ആവശ്യം. തിരുവിതാംകൂര് ദേവസ്വം ബോര്ഡിന്റെ ഓംബുഡ്സ്മാന് നല്കിയ റിപ്പോര്ട്ടിന്റെ അടിസ്ഥാനത്തിലാണ് ഉണ്ണിയപ്പത്തിന്റെ വില വര്ധിപ്പിക്കാന് ഹൈക്കോടതി ഉത്തരവിട്ടത്. അസംസ്കൃത സാധനങ്ങളുടെ വിലയില് ഉണ്ടായ വര്ധന ചൂണ്ടിക്കാട്ടിയാണ് ഉണ്ണിയപ്പത്തിന്റെ വിലയും വര്ധിപ്പിക്കാന് ഓംബുഡ്സ്മാന് ശുപാര്ശ ചെയ്തത്.
നേരത്തെ 30 രൂപയ്ക്ക് ഉണ്ണിയപ്പം വിറ്റിരുന്നപ്പോള് മുതല്ക്കൂട്ടായി മാറ്റിവെക്കുന്ന തുക 10 രൂപയായിരുന്നു. ഇപ്പോള് ഇത് 18 രൂപയായി ഉയര്ന്നുവെന്നാണ് ഹര്ജിക്കാരുടെ ആരോപണം. ഏതാണ്ട് 80 ശതമാനം വര്ദ്ധനവ് ആണ് ഈ വകയില് ഉണ്ടായതെന്നും ഹര്ജിയില് ചൂണ്ടിക്കാട്ടിയിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
