കാസര്കോട്: സിപിഎം പാലക്കാട് ജില്ലാ കമ്മിറ്റി അംഗവും എസ്എഫ്ഐ മുന് സംസ്ഥാന സെക്രട്ടറിയുമായ പി എം ആര്ഷോയും എസ്എഫ്ഐ മുന് നേതാവ് കെ വിദ്യയും ഇന്ന് വിവാഹിതരാകും. തൃക്കരിപ്പൂര് രജിസ്ട്രാര് ഓഫീസില് ഇന്ന് രാവിലെ 11 മണിക്കാണ് വിവാഹം.
തൃക്കരിപ്പൂര് സ്വദേശിനിയാണ് വിദ്യ. അധ്യാപക ജോലിക്ക് വ്യാജരേഖ ചമച്ച കേസിലെ പ്രതിയായതോടെ വലിയ വിമര്ശനങ്ങളും കേസും വിദ്യ നേരിട്ടിരുന്നു. പാലക്കാട് കാഞ്ഞിരപ്പുഴ സ്വദേശിയാണ് ആര്ഷോ.
എറണാകുളം മഹാരാജാസ് കോളജിലെ ആര്ക്കിയോളജി പി ജി വിദ്യാര്ഥിയായിരുന്നു ആര്ഷോ. പിന്നീട് പഠനം മതിയാക്കുകയായിരുന്നു. വിദ്യ കാലടി സംസ്കൃത സര്വകലാശാലയിലെ പിഎച്ച്ഡി വിദ്യാര്ഥിനിയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
