തിരുവനന്തപുരം: രാഹുല് ഈശ്വറിന്റെ ജാമ്യം റദ്ദാക്കണമെന്ന് ആവശ്യപ്പെട്ട് പൊലീസ് കോടതിയെ സമീപിച്ചു. രാഹുല് ഈശ്വര് ജാമ്യവ്യവസ്ഥ ലംഘിച്ചുവെന്നും രാഹുല്മാങ്കൂട്ടത്തില് കേസിലെ പരാതിക്കാരിയെ യൂട്യൂബ് ചാനലിലൂടെ വീണ്ടും അധിക്ഷേപിച്ചുവെന്നും ചൂണ്ടിക്കാണിച്ചാണ് സൈബര് പൊലീസിന്റെ നീക്കം.
യൂത്ത് കോണ്ഗ്രസ് മുന് സംസ്ഥാന പ്രസിഡന്റ് രാഹുല് മാങ്കൂട്ടത്തില് ഉള്പ്പെട്ട ബലാത്സംഗ കേസില് പരാതി നല്കിയ യുവതിയെ രാഹുല് ഈശ്വര് തന്റെ യൂട്യൂബ് ചാനലിലൂടെ അധിക്ഷേപിച്ചതോടെയാണ് കേസെടുക്കുന്നതും രാഹുല് ഈശ്വര് അറസ്റ്റിലായതും. കേസില് ജാമ്യം അനുവദിച്ചപ്പോള് പരാതിക്കാരിക്കെതിരെ മോശം പരാമര്ശങ്ങള് നടത്തരുതെന്ന് കോടതി കര്ശന നിര്ദ്ദേശം നല്കിയിരുന്നു.
എന്നാല് ഈ വ്യവസ്ഥ ലംഘിക്കപ്പെട്ടുവെന്നാണ് പൊലീസ് കോടതിയെ അറിയിച്ചത്. യുട്യൂബ് ചാനലിലൂടെ നടത്തിയ വിഡിയോ പരാമര്ശങ്ങള് അതിജീവിതയുടെ അന്തസ്സിനെ ബാധിക്കുന്നതാണെന്നും അന്വേഷണത്തെ സ്വാധീനിക്കാന് സാധ്യതയുള്ളതാണെന്നും പൊലീസ് അപേക്ഷയില് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
