പാലക്കാട്: തിരുവനന്തപുരം കോര്പ്പറേഷന് മുട്ടട ഡിവിഷനിലെ കോണ്ഗ്രസ് സ്ഥാനാര്ഥി വൈഷ്ണ സുരേഷിനെ വോട്ടര്പട്ടികയില് നിന്ന് നീക്കം ചെയ്തതില് സിപിഎമ്മിനെതിരെ രൂക്ഷ വിമര്ശനവുമായി രാഹുല് മാങ്കൂട്ടത്തില് എംഎല്എ.
സിപിഎം നല്കിയ പരാതിയുടെ അടിസ്ഥാനത്തിലാണ് തെരഞ്ഞെടുപ്പ് കമ്മീഷന് വോട്ടര് പട്ടികയില് നിന്നും നീക്കം ചെയ്തത്. 24 വയസ്സ് പ്രായമുള്ള, കന്നിയങ്കത്തിനു ഇറങ്ങുന്ന ഒരു കെഎസ്യുക്കാരിയുടെ സ്ഥാനാര്ഥിത്വം നിങ്ങള്ക്ക് ഇത്രമേല് അസ്വസ്ഥത ഉണ്ടാക്കിയെങ്കില് നിങ്ങളുടെ കൗണ്ട് ഡൗണ് തുടങ്ങി എന്ന് നിങ്ങള് തന്നെ സമ്മതിക്കുന്നു പിണറായിസ്റ്റുകളെ, എന്നാണ് എംഎല്എ ഫെയ്സ്ബുക്കില് കുറിച്ചത്.
ലൈംഗികാതിക്രമ ആരോപണങ്ങളെ തുടര്ന്ന് കോണ്ഗ്രസിന്റെ പ്രാഥമികാംഗത്തില് നിന്നും പുറത്താക്കിയ രാഹുല് മാങ്കൂട്ടത്തില് വീണ്ടും കോണ്ഗ്രസ് വേദികളില് സജീവമാകുന്നുണ്ട്. പാലക്കാട് കണ്ണാടിയില് തദ്ദേശ തെരഞ്ഞെടുപ്പില് മത്സരിക്കുന്ന കോണ്ഗ്രസ് സ്ഥാനാര്ഥികളെ പ്രഖ്യാപിക്കുന്ന ചടങ്ങിലും രാഹുല് പങ്കെടുത്തു. മന്ത്രിമാര് പങ്കെടുക്കുന്ന പരിപാടികളിലും രാഹുല് പങ്കെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
