5 ജില്ലകളില്‍ യെല്ലോ അലര്‍ട്ട്, ലോകകപ്പില്‍ ചരിത്രമെഴുതി കാബോ വെര്‍ദെ; ഇന്നത്തെ അഞ്ച് പ്രധാന വാര്‍ത്തകള്‍

സംസ്ഥാനത്ത് കാലവര്‍ഷം ശക്തമാകുമെന്ന് കാലാവസ്ഥ വകുപ്പിന്റെ മുന്നറിയിപ്പ്. അഞ്ച് ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചു. സമാധാന ശ്രമങ്ങള്‍ക്കിടെ പശ്ചിമേഷ്യയില്‍ വീണ്ടും യുഎസ് ആക്രമണം. ലോകകപ്പില്‍ കാബോ വെര്‍ദെ നോക്കൗട്ടില്‍ പ്രവേശിച്ചു, ഉറുഗ്വെ പുറത്ത്. ഇന്നത്തെ അഞ്ച് പ്രധാന വാര്‍ത്തകളറിയാം.

സംസ്ഥാനത്ത് മഴ ശക്തി പ്രാപിക്കുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. അഞ്ച് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിലാണ് ഒറ്റപ്പെട്ട ശക്തമായ മഴയ്ക്കുള്ള സാധ്യത പ്രവചിക്കപ്പെട്ടിരിക്കുന്നത്. 

ഫിഫ ലോകകപ്പിലെ ഗ്രൂപ്പ് എച്ചിലെ പോരാട്ടങ്ങള്‍ക്ക് നാടകീയ അന്ത്യം! അടുത്ത റൗണ്ടിലേക്ക് കടക്കുമെന്ന് പ്രതീക്ഷിച്ച ഉറുഗ്വെ ഒരു ജയം പോലുമില്ലാതെ ലോകകപ്പിലെ ഗ്രൂപ്പ് ഘട്ടത്തില്‍ നിന്നു പുറത്ത്. ചരിത്രത്തിലാദ്യമായി ലോകകപ്പ് കളിക്കാനെത്തി ചരിത്രമെഴുതി അപരാജിതരായി കാബോ വെര്‍ദെ (കേപ് വെര്‍ദെ) ടീം നോക്കൗട്ടിലേക്ക്. 

ചരക്കുകപ്പലിന് നേരെയുണ്ടായ ആക്രമണത്തിന് പിന്നാലെ ഇറാനിലെ മിസൈൽ, ഡ്രോൺ സംഭരണ കേന്ദ്രങ്ങൾക്കും തീരദേശ റഡാർ സംവിധാനങ്ങൾക്കും നേരെ യുഎസ് സൈന്യം വ്യോമാക്രമണം നടത്തിയതായി റിപ്പോർട്ട്. പശ്ചിമേഷ്യയിലെ സംഘർഷാവസ്ഥ വീണ്ടും ആശങ്കയാകുന്ന സാഹചര്യത്തിലേക്കാണ് സ്ഥിതി​ഗതികൾ നീങ്ങുന്നതെന്ന് രാജ്യാന്തര വാർത്ത ഏജൻസികളുടെ റിപ്പോർട്ടിൽ പറയുന്നു.

ഫിഫ ലോകകപ്പ് ഗ്രൂപ്പ് ഐയിലെ അവസാന പോരാട്ടത്തില്‍ ഇറാഖിനു മേല്‍ സെനഗലിന്റെ ഗോള്‍ മഴ. മറുപടിയില്ലാത്ത അഞ്ച് ഗോളുകള്‍ക്ക് ഇറാഖിനെ തകര്‍ത്ത് സെനഗല്‍ നോക്കൗട്ട് പ്രതീക്ഷ സജീവമാക്കി നിര്‍ത്തുകയും ചെയ്തു. ലോകകപ്പ് ചരിത്രത്തില്‍ 5 ഗോളുകള്‍ നേടുന്ന ആദ്യ ആഫ്രിക്കന്‍ രാജ്യമെന്ന അഭിമാന നേട്ടവും മത്സരത്തില്‍ സെനഗല്‍ സ്വന്തമാക്കി.

വിലങ്ങാട് വനത്തിൽ കുടുങ്ങിയ മൂന്ന് പേരെയും കണ്ടെത്തി. വാളുക്ക് അത്തായ കൊത്ത് എന്ന സ്ഥലത്ത് നിന്നാണ് വനം വകുപ്പ് സംഘം ഇവരെ കണ്ടെത്തിയത്. ഇവരെ വനത്തിൽ നിന്ന് പുറത്ത് എത്തിച്ചു. സംരക്ഷിത വനമേഖലയിൽ അതിക്രമിച്ചു കയറിയതിന് കേസെടുക്കുമെന്ന് വനംവകുപ്പ് അധികൃതർ അറിയിച്ചു.