തിരുവനന്തപുരം: സംസ്ഥാനത്തെ റേഷന്‍കടകള്‍ക്ക് ഇന്ന് (വെള്ളിയാഴ്ച) ഉച്ചയ്ക്കശേഷം അവധി പ്രഖ്യാപിച്ച് മന്ത്രി ജിആര്‍ അനില്‍. ബയോമെട്രിക് ഒതന്റിക്കേഷന്‍ മുഖേനയുള്ള റേഷന്‍ വിതരണം തടസപ്പെട്ടതിനാലാണ് പൊതുവിതരണ വകുപ്പ് റേഷന്‍കടകള്‍ക്ക് അവധി പ്രഖ്യാപിച്ചത്.
പവര്‍ ഔട്ടേജ് കാരണം ഐ.ടി മിഷന്റെ കീഴിലുള്ള ഡാറ്റ സെന്ററിലെ എയുഎസര്‍വ്വറില്‍ ഉണ്ടായ തകരാരാണ് ബയോമെട്രിക് ഒതന്റിക്കേഷന്‍ പ്രവര്‍ത്തനരഹിതമായത്. ഇതു പരിഹരിക്കുന്നതിന് ഐടി മിഷന്‍ ഡയറക്ടറുടെ നേതൃത്വത്തില്‍ ടെക്‌നിക്കല്‍ ടീം ശ്രമിച്ചുവരികയാണെന്നും മന്ത്രി അറിയിച്ചു.
രാവിലെ മുതല്‍ സെര്‍വര്‍ തകരാറിലായതിനെ തുടര്‍ന്ന് നിരവധി പേര്‍ റേഷന്‍ വാങ്ങാനാവാതെ മടങ്ങിയിരുന്നു. തുടര്‍ച്ചയായി ഇ പോസ് മെഷീന്‍ തകരാറാവുന്നതായി റേഷന്‍ വ്യാപാരികളും പറയുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
