റോബിന് ബസിന്റെ ഓള് ഇന്ത്യ ടൂറിസ്റ്റ് പെര്മിറ്റ് റദ്ദാക്കി
തിരുവനന്തപുരം: റോബിന് ബസിന്റെ ഓള് ഇന്ത്യ ടൂറിസ്റ്റ് പെര്മിറ്റ് റദ്ദാക്കി സ്റ്റേറ്റ് ട്രാന്സ്പോര്ട്ട് അതോറിറ്റി. തുടര്ച്ചയായ നിയമലംഘനം ലംഘിച്ചെന്ന ഗതാഗത വകുപ്പിന്റെ റിപ്പോര്ട്ടിന്റെ അടിസ്ഥാത്തിലാണ് നടപടി.
കഴിഞ്ഞയാഴ്ച ബസ് എംവിഡി പിടിച്ചെടുത്തിരുന്നു. ഹൈക്കോടതി ഉത്തരവ് മറികടക്കും വിധം തുടര്ച്ചയായി പെര്മിറ്റ് ലംഘനം നടത്തിയെന്ന് ചൂണ്ടികാട്ടിയായിരുന്നു നടപടി. തുടര്ന്ന്, ബസ് പത്തനംതിട്ട എ.ആര്. ക്യാമ്പിലേക്ക് മാറ്റുകയായിരുന്നു.
എംവിഡി സ്ക്വാഡ് ചോദ്യം ചെയ്തപ്പോള് ബസിലെ യാത്രക്കാര് പല ആവശ്യത്തിനു പല സ്ഥലങ്ങളിലേക്കു യാത്ര ചെയ്യുന്നവരാണെന്നു ബോധ്യപ്പെട്ടു. എഐടിപി പെര്മിറ്റുള്ള വാഹനങ്ങള് കോണ്ട്രാക്ട് കാരേജുകളായതിനാല് അവയ്ക്കു ബാധകമായ എല്ലാ ചട്ടങ്ങളും റോബിന് ബസിനു ബാധകമാണെന്നും ഉത്തരവില് പറയുന്നു. എഐടിപി ചട്ടം 11 പ്രകാരം പെര്മിറ്റ് റദ്ദാക്കിയെന്നാണ് സ്റ്റേറ്റ് ട്രാന്സ്പോര്ട്ട് അതോറിറ്റി സെക്രട്ടറി കെ.മനോജ് കുമാറിന്റെ ഉത്തരവില് പറയുന്നത്.
ഒരു പ്രത്യേക സ്ഥലത്ത് നിന്ന് ഒരുസംഘം ആളുകളെ കയറ്റുകയും മറ്റൊരു നിശ്ചിത സ്ഥലത്ത് യാത്രക്കാരെ ഇറക്കുകയും ചെയ്യണമെന്നാണ് ഓള് ഇന്ത്യ ടൂറിസ്റ്റ് പെര്മിറ്റില് നല്കുന്ന നിര്ദേശം. എന്നാല്, ഏത് പോയിന്റില് നിന്നും ആളുകളെ കയറ്റുന്നതിലൂടെ നിയമലംഘനം ആവര്ത്തിക്കുന്നുവെന്നതാണ് ബസ് പിടിച്ചെടുക്കാന് കാരണം.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
