പത്തനംതിട്ട: കുംഭമാസ പൂജകള്ക്കായി ശബരിമല നട ഇന്ന് (വ്യാഴാഴ്ച) തുറക്കും. വൈകീട്ട് അഞ്ചിന് തന്ത്രി കണ്ഠരര് മഹേഷ് മോഹനരുടെ സാന്നിധ്യത്തില് മേല്ശാന്തി ഇ ഡി പ്രസാദ് നടതുറക്കും. കുംഭം ഒന്നിന് വെള്ളിയാഴ്ച രാവിലെ അഞ്ചിനാണ് ദര്ശനത്തിന് നട തുറക്കുക.
ഈ ദിവസങ്ങളില് ദീപാരാധനയ്ക്കുശേഷം പതിനെട്ടാം പടിയില് പടിപൂജ ഉണ്ടാകും. കുംഭമാസ പൂജ പൂര്ത്തിയാക്കി 17ന് രാത്രി 10ന് നട അടയ്ക്കും. വ്യാഴാഴ്ചത്തെ പൊതുപണിമുടക്കില് നിന്ന് ശബരിമല തീര്ഥാടകരെ ഒഴിവാക്കിയിട്ടുണ്ട്.
ദിവസം 50,000 പേര്ക്കാണ് വിര്ച്വല് ക്യൂ വഴി ദര്ശനം. ദര്ശനത്തിനായി നട തുറക്കുന്ന വെള്ളിയാഴ്ച 30,000 പേര്ക്കാണ് പ്രവേശനം. തീര്ഥാടകരുടെ യാത്രയ്ക്കായി കെഎസ്ആര്ടിസിയുടെ പത്തനംതിട്ട, ചെങ്ങന്നൂര്, കുമളി ഡിപ്പോകളില്നിന്നായി എണ്പതോളം സര്വീസുണ്ടാകും. 54 ബസുകള് നിലയ്ക്കല്-പമ്പ റൂട്ടില് ഓടും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
