കൂത്തുപറമ്പ്: മമ്പറത്ത് തുറന്ന ജീപ്പില്‍ 15ഓളം വിദ്യാര്‍ത്ഥികളെ കുത്തിനിറച്ച് അഭ്യാസ പ്രകടനം. അഭ്യാസത്തിനിടയില്‍ നിയന്ത്രണം വിട്ട ജീപ്പില്‍നിന്ന് അത്ഭുതകരമായാണ് കുട്ടികള്‍ രക്ഷപ്പെട്ടത്. സംഭവത്തില്‍ വിദ്യാര്‍ത്ഥികളുടെ പേരില്‍ കേസെടുക്കുകയും ജീപ്പ് കസ്റ്റഡിയിലെടുക്കുകയും ചെയ്തിട്ടുണ്ട്
വ്യാഴാഴ്ച ഉച്ചയോടെ മമ്പറം പാലത്തിനടുത്ത മൈതാനിയിലായിരുന്നു കുട്ടികളുടെ അഭ്യാസ പ്രകടനം. മമ്പറം ഇംഗ്ലീഷ് മീഡിയം സ്‌കൂളിലെ വിദ്യാര്‍ത്ഥികളാണ് അതിസാഹസികത കാണിച്ചത്. ഒരു വിദ്യാര്‍ത്ഥി കൊണ്ടുവന്ന തുറന്ന ജീപ്പില്‍ മറ്റുള്ളവരും കയറുകയായിരുന്നു.
പൊടിമണ്ണ് നിറഞ്ഞ മൈതാനിയിലൂടെ നിരവധി കുട്ടികളുമായി പല തവണയാണ് ജീപ്പ് വട്ടം കറങ്ങിയത്. ബോണറ്റില്‍ വരെ കുട്ടികള്‍ ഇരിക്കുന്നുണ്ടായിരുന്നു. നാട്ടുകാരില്‍ ചിലര്‍ സാഹസികാഭ്യാസത്തിന്റെ വിഡിയോ എടുത്ത് പ്രചരിപ്പിച്ചതോടെയാണ് പുറംലോകമറിഞ്ഞത്.
ഇതിനിടയില്‍ ചിലര്‍ പിണറായി പൊലീസിനെയും വിവരമറിയിച്ചു. പിന്നീട് പൊലീസ് സ്ഥലത്തെത്തി ജീപ്പ് കസ്റ്റഡിയിലെടുക്കുകയായിരുന്നു. ഓടുന്ന ജീപ്പില്‍ അഭ്യാസ പ്രകടനം നടത്തിയതിന് കുട്ടികളുടെ പേരില്‍ കേസെടുത്തിട്ടുണ്ട്.
ഈ വാര്‍ത്ത കൂടി വായിക്കൂ ഡ്രൈവറെ മര്‍ദിച്ച ശേഷം ഓട്ടോയുമായി കടന്നു; നാലംഗ സംഘം പിടിയില്‍
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
