തിരുവനന്തപുരം: പ്രഗത്ഭ കായിക താരങ്ങള്‍ക്ക് സര്‍ക്കാര്‍ സര്‍വീസില്‍ നിയമനം ലഭിക്കുന്നതിന് അപേക്ഷ സമര്‍പ്പിക്കേണ്ട സമയപരിധി നീട്ടി. ഓണ്‍ലൈനായി അപേക്ഷ സമര്‍പ്പിക്കേണ്ടതിന്റെ കാലാവധി ജൂണ്‍ 15 വൈകീട്ട് അഞ്ചുമണി വരെയാണ് നീട്ടിയത്. കോവിഡ് പശ്ചാത്തലത്തിലാണ് അപേക്ഷ സമര്‍പ്പിക്കാന്‍ കായിക താരങ്ങള്‍ക്ക് കൂടുതല്‍ സമയം അനുവദിച്ചത്.
2015-19 വര്‍ഷങ്ങളിലെ ഒഴിവുകളിലെ നിയമനത്തിനാണ് കായിക താരങ്ങളില്‍ നിന്ന് അപേക്ഷ ക്ഷണിച്ചത്. കായിക താരങ്ങള്‍ക്ക് സര്‍ക്കാര്‍ സര്‍വീസില്‍ നിയമനം നല്‍കുന്ന പദ്ധതി പ്രകാരമാണ് അപേക്ഷ ക്ഷണിച്ചത്. ഓണ്‍ലൈന്‍ അപേക്ഷയുടെ പകര്‍പ്പ് പൊതുഭരണ (സര്‍വീസസ്-സി) വകുപ്പില്‍ ജൂണ്‍ 22 നകം ലഭിക്കണം. www.sportsquota.sportscouncil.kerala.gov.in എന്ന വെബ്സൈറ്റ് മുഖേന അപേക്ഷ സമര്‍പ്പിക്കാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
