തിരുവനന്തപുരം: വിവിധ പദ്ധതികള്ക്കായി കേന്ദ്ര ഗ്രാമവികസന മന്ത്രാലയം കേരളത്തിന് 120 കോടി രൂപ അനുവദിച്ചതായി സുരേഷ് ഗോപി. ഇത് പ്രാവര്ത്തികമാക്കാന് സഹായിച്ച പ്രധാനമന്ത്രി നരേന്ദ്രമോദിക്കും ഗ്രാമ വികസന മന്ത്രി ശിവരാജ് സിങ് ചൗഹാന് നന്ദി അറിയിക്കുന്നതായി സുരേഷ് ഗോപി ഫെയ്സ്ബുക്കില് കുറിച്ചു.
2025-26 സാമ്പത്തിക വര്ഷത്തില് സംസ്ഥാനത്തിനായി നീക്കിവച്ചിരിക്കുന്ന ഫണ്ടിന്റെ ആദ്യ ഗഡു അനുവദിക്കണമെന്ന് താന് ഗ്രാമവികസന മന്ത്രിയോട് ആവശ്യപ്പെട്ടിരുന്നു. അതനുസരിച്ച് ആദ്യഗഡു അനുവദിച്ചെന്നറിയിക്കുന്നതില് സന്തോഷമെന്നും സുരേഷ് ഗോപി ഫെയ്സ്ബുക്കില് കുറിച്ചു
സുരേഷ് ഗോപിയുടെ കുറിപ്പ്
കേരളത്തിന് 120 കോടി രൂപ അനുവദിച്ച് കേന്ദ്ര ഗ്രാമവികസന മന്ത്രാലയം.
കേരളത്തിലെ വിവിധ പ്രധാനമന്ത്രി ഗ്രാമ സഡക് യോജന (PMGSY) പദ്ധതികള്ക്കായി അനുവദിക്കേണ്ട ഫണ്ടുകളുടെ സമഗ്രമായ ഒരു പട്ടിക സമീപകാല യോഗത്തില് സമാഹരിക്കുകയും, 2025-26 സാമ്പത്തിക വര്ഷത്തില് കേരളത്തിനായി നീക്കിവച്ചിരിക്കുന്ന ഫണ്ടിന്റെ ആദ്യ ഗഡു അനുവദിക്കണമെന്ന് ഞാന് ബഹുമാനപ്പെട്ട കാബിനറ്റ് മന്ത്രി ശ്രീ ശിവരാജ് സിംഗ് ചൗഹാന്ജിയോട് അഭ്യര്ത്ഥിക്കുകയും ചെയ്തിരുന്നു. ഗ്രാമവികസന മന്ത്രാലയത്തില് നിന്ന് ഇതിന് അനുകൂലമായ ഒരു തീരുമാനം ഉണ്ടാവുകയും, അതിലേക്കായി 120 കോടി രൂപ അനുവദിച്ചു എന്ന് അറിയിക്കുന്നതില് സന്തോഷം.
ഇത് പ്രാവര്ത്തികമാകാന് സഹായിച്ച ബഹുമാനപ്പെട്ട പ്രധാന മന്ത്രി ശ്രീ Narendra Modi ജിക്കും ബഹുമാനപ്പെട്ട കേന്ദ്ര ഗ്രാമ വികസന മന്ത്രി ശ്രീ ശിവരാജ് സിംഗ് ചൗഹാന്ജിയോടും പ്രത്യേകം നന്ദി രേഖപ്പെടുത്തുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
