സംസ്ഥാന നിയമസഭാ തെരഞ്ഞെടുപ്പിന് പിന്നാലെ എല്ഡിഎഫിന് തുടര്ഭരണം ഉണ്ടാകുമെന്ന് നേതാക്കള് ആവര്ത്തിക്കുമ്പോഴും സിപിഎം മണ്ഡലം-ജില്ലാ കമ്മിറ്റികളുടെ പ്രാഥമിക വിലയിരുത്തലുകള് പുറത്തുവരുമ്പോള് ഇടത് ക്യാമ്പുകളില് പ്രതീക്ഷയും ആശങ്കയും ഒരേ പോലെ നിഴലിക്കുന്നു. മന്ത്രിമാരില് ചിലര് പരാജയപ്പെടുമെന്ന ആശങ്കയും പാര്ട്ടിയെ പ്രതിരോധത്തിലാക്കുന്നു. തിരുവനന്തപുരം, കോഴിക്കോട്, ജില്ലയില് ചില സിറ്റിങ് സീറ്റുകളില് വിജയസാധ്യത കുറവാണെന്നും പാര്ട്ടി വിലയിരുത്തുന്നു..കേരള നിയമസഭാ തെരഞ്ഞെടുപ്പില് ബിജെപി നല്ല മുന്നേറ്റം ഉണ്ടാക്കുമെന്ന് പ്രധാനമന്ത്രി നരേന്ദ്ര മോദി. എല്ഡിഎഫും യുഡിഎഫും പരാജയഭീതിയിലാണെന്നും ഇരുമുന്നണികള്ക്കും വിജയം അവകാശപ്പെടാന് കഴിയാത്ത സാഹചര്യമാണെന്നു മോദി പറഞ്ഞു. വന് തോതില് സ്ത്രീ വോട്ടര്മാര് ബൂത്തിലെത്തിയെന്നും പോളിങ് ശതമാനം വര്ധിക്കുമ്പോള് ബിജെപി വിജയിക്കാറുണ്ടെന്നും മോദി പറഞ്ഞു. ബംഗാളിലെ തെരഞ്ഞെടുപ്പ് റാലിയില് സംസാരിക്കുകയായിരുന്നു മോദി..കുതിരവട്ടം മാനസികാരോഗ്യ ആശുപത്രിയില് നിന്നും ചാടിപ്പോയ കൊലക്കേസ് പ്രതി പിടിയില്. പെരിന്തല്മണ്ണ ദൃശ്യ കൊലക്കേസിലെ പ്രതി വിനീഷ് ആണ് പിടിയിലായത്. മുംബൈ റെയില്വേ സ്റ്റേഷനില് നിന്നാണ് പ്രതിയെ പിടികൂടിയത്. കഴിഞ്ഞ ഡിസംബര് 29നാണ് പ്രതി വിനീഷ് മാനസികാരോഗ്യകേന്ദ്രത്തില് നിന്നും ചാടിപ്പോയത്.. യുഡിഎഫ് അധികാരത്തിലെത്തിയാല് ആരാകണം മുഖ്യമന്ത്രി എന്നത് സംബന്ധിച്ച് വിവിധ അഭിപ്രായങ്ങള് ഉയരുന്നതിനിടെ പ്രതികരണവുമായി ശശി തരൂര് എം പി. മുഖ്യമന്ത്രിയെ ജയിച്ച എംഎല്എമാരുടെ അഭിപ്രായം കേട്ട ശേഷം ഹൈക്കമാന്ഡ് തീരുമാനിക്കും. ഞങ്ങള് ജയിച്ചാല് മുഖ്യമന്ത്രി ഉണ്ടാകും. ആരാണ് എവിടെ നിന്നാണ്, ഏത് നഗരത്തില് നിന്നാണ് എന്ന് പറയാന് ഒരു സാധ്യതയുമില്ല. ഇപ്പോള് നേതാക്കള് പറയുന്ന അഭിപ്രായങ്ങള് അനാവശ്യമാണ്. കെട്ടിടം കെട്ടിയ ശേഷമല്ലേ ഫര്ണിച്ചര് വാങ്ങിക്കേണ്ട കാര്യമുള്ളൂവെന്നും ശശി തരൂര് പറഞ്ഞു.. പ്രായപൂര്ത്തിയാകാത്ത കുംഭമേള വൈറല് താരത്തിന്റെ വിവാഹത്തില് പോക്സോ കേസിന് പിന്നാലെ പട്ടിക വര്ഗപീഡന കുറ്റവും ചുമത്തും. വ്യാജ ജനന സര്ട്ടിഫിക്കറ്റ് തയ്യാറാക്കാന് കൂട്ട് നിന്നവരും പ്രതികളാകും. ഇക്കാര്യം വ്യക്തമാക്കി എസ് ടി കമ്മീഷന് നിയമ ഉപദേശകന് പ്രകാശ് ഉയ്ക്കെ ഫെയ്ബുക്ക് പോസ്റ്റിട്ടു. സംഭവത്തില് ഗൂഢാലോചന ഉണ്ടെന്നാണ് പ്രകാശ് കുറിപ്പില് പറയുന്നത്. വിവാഹത്തിന് കാര്മികത്വം വഹിച്ച കേരളത്തിലെ സിപിഎം നേതാക്കളുടെ പങ്കും അന്വേഷിക്കണമെന്നാണ് ആവശ്യം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
