'യുദ്ധം അവസാനിച്ചു'; സംവരണ വാർഡുകളുടെ നറുക്കെടുപ്പ്; ഇന്നത്തെ 5 പ്രധാന വാർത്തകൾ

ഗാസയിലെ ഇസ്രയേല്‍ - ഹമാസ് യുദ്ധം അവസാനിച്ചെന്ന് യുഎസ് പ്രസിഡന്റ് ഡോണള്‍ഡ് ട്രംപ്. തദ്ദേശ സ്ഥാപനങ്ങളിലെ സംവരണ വാർഡുകളുടെ നറുക്കെടുപ്പ് ഇന്നാരംഭിക്കും. കൊല്ലത്ത് കിണറിടിഞ്ഞു വീണ് മൂന്നു പേർ മരിച്ചു. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

ഗാസയിലെ ഇസ്രയേല്‍ - ഹമാസ് യുദ്ധം അവസാനിച്ചെന്ന് യുഎസ് പ്രസിഡന്റ് ഡോണള്‍ഡ് ട്രംപ്. ഗാസയിലെ യുദ്ധം പൂര്‍ണമായും അവസാനിപ്പിക്കാന്‍ ലക്ഷ്യമിട്ട് ഈജിപ്തിലെ കയ്റോയിലെ ഷരം അല്‍ ശൈഖില്‍ നടക്കുന്ന അന്താരാഷ്ട്ര ഉച്ചകോടിയില്‍ പങ്കെടുക്കാന്‍ തിരിച്ചതിന് പിന്നാലെയാണ് ട്രംപിന്റെ പ്രഖ്യാപനം.

തദ്ദേശ തെരഞ്ഞെടുപ്പിനു മുന്നോടിയായി സംവരണ വാർഡുകളുടെ നറുക്കെടുപ്പ് ഇന്ന് ആരംഭിക്കും. 941 പഞ്ചായത്തുകളിലേക്ക്‌ 13 മുതൽ 16 വരെയാണ് നറുക്കെടുപ്പ്. സ്ത്രീ, പട്ടികജാതി സ്ത്രീ, പട്ടികവർഗ സ്ത്രീ, പട്ടികജാതി, പട്ടികവർഗം എന്നീ സംവരണങ്ങളാണ്‌ നറുക്കെടുപ്പിലൂടെ നിശ്ചയിക്കുക.

കിണറ്റില്‍ ചാടിയ യുവതിയെ രക്ഷിക്കാന്‍ ശ്രമിക്കുന്നതിനിടെ ഉണ്ടായ അപകടത്തില്‍ കൊല്ലം നെടുവത്തൂരില്‍ മൂന്ന് പേര്‍ മരിച്ചു. കിണറിന്റെ കൈവരി ഇടിഞ്ഞാണ് അപകടം. മരിച്ചവരില്‍ ഒരാള്‍ ഫയര്‍ഫോഴ്‌സ് ഉദ്യോഗസ്ഥനാണ്.

മെലഡി ​ഗാനങ്ങൾ തന്നെ തേടി കൂടുതല്‍ വന്നതിനാലാണ് അത്തരം പാട്ടുകളൊരുക്കിയതെന്ന് സം​ഗീത സംവിധായകൻ എം ജയചന്ദ്രൻ. തനിക്ക് മറ്റ് തരത്തിലുള്ള പാട്ടുകളും ചെയ്യാന്‍ ആഗ്രഹമുണ്ട്. മറ്റ് ജോണറിലുള്ള പാട്ടുകള്‍ ചെയ്യാന്‍ സാധിക്കാത്തത് ഒരു പ്രത്യേക ബ്രാക്കറ്റിലേക്ക് ഒതുക്കപ്പെട്ടതു കൊണ്ടാണെന്നും ജയചന്ദ്രന്‍ പറയുന്നു.

വനിതാ ലോകകപ്പില്‍ ഇന്ത്യക്കെതിരെ തകര്‍പ്പന്‍ വിജയം നേടി ഓസിസ്. അത്യന്തം ആവേശകരമായ മത്സരത്തില്‍ ആറ് പന്തുകള്‍ ബാക്കി നില്‍ക്കെയാണ് ഓസ്‌ട്രേലിയ ഇന്ത്യ ഉയര്‍ത്തിയ കൂറ്റന്‍ ലക്ഷ്യം മറികടന്നത്. 49 ഓവറില്‍ ഏഴ് വിക്കറ്റ് നഷ്ടത്തില്‍ ഓസിസ് 332 റണ്‍സ് നേടി. ടൂര്‍ണമെന്റിലെ ഇന്ത്യയുടെ രണ്ടാമത്തെ തോല്‍വിയാണ് ഇത്.