നിലവിളക്കു കൊണ്ട് നവവധുവിനെ തലയ്ക്കടിച്ചു കൊന്നു

തിരുവനന്തപുരം: നവവധുവിനെ ഭര്‍ത്താവ് തലയ്ക്ക് അടിച്ചു കൊലപ്പെടുത്തി. തിരുവനന്തപുരം വര്‍ക്കലയിലാണ് സംഭവം. ആലപ്പുഴ സ്വദേശി നിഖിത (26) ആണ് കൊല്ലപ്പെട്ടത്. പുലര്‍ച്ചെ രണ്ടുമണിയോടെയായിരുന്നു കൊലപാതകം.

നിലവിളക്കു കൊണ്ട് തലയ്ക്ക് അടിച്ചു കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു. ഭര്‍ത്താവ് വര്‍ക്കല അയന്തി സ്വദേശി അനീഷിനെ പൊലീസ് അറസ്റ്റ് ചെയ്തു. മൂന്നുമാസം മുമ്പായിരുന്നു അവരുടെ വിവാഹം. വിദേശത്തായിരുന്ന ഇരുവരും പത്തു ദിവസം മുമ്പാണ് നാട്ടിലെത്തിയത്. 

ഇവര്‍ക്കിടയില്‍ തര്‍ക്കം നിലനിന്നിരുന്നു. പുലര്‍ച്ചെയോടെ വഴക്ക് രൂക്ഷമാകുകയും അനീഷ് നിലവിളക്ക് കൊണ്ട് നിഖിതയുടെ തലയ്ക്കടിക്കുകയും വയറ്റില്‍ കുത്തുകയുമായിരുന്നു. ഗുരുതരമായി പരിക്കേറ്റ നിഖിതയെ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
 

ഈ വാര്‍ത്ത കൂടി വായിക്കൂ

കണ്ണൂരിൽ 24കാരി ഭർതൃവീട്ടിൽ തൂങ്ങിമരിച്ചു; ഭർത്താവിനും അമ്മയ്ക്കുമെതിരെ കേസെടുത്തു 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ