തിരുവനന്തപുരത്ത് വീട് കുത്തിത്തുറന്ന് വൻ മോഷണം; സ്വർണമടക്കം ലക്ഷങ്ങളുടെ കവർച്ച

തിരുവനന്തപുരം: ബാലരാമപുരത്ത് വീട് കുത്തിത്തുറന്ന് വൻ മോഷണം. സ്വർണാഭരണങ്ങളും വീട്ടുപകരണങ്ങളുമടക്കം ലക്ഷങ്ങളുടെ വസ്തുക്കളാണ് മോഷണം പോയത്. ബാലരാമപുരം ആർസി സ്ട്രീറ്റിൽ ബെന്നി സേവ്യറുടെ വീട്ടിലാണ് മോഷണം. സ്വർണാഭരണങ്ങൾ, ടെലിവിഷൻ ഉൾപ്പെടെയുള്ളവ മോഷണം പോയി.

വീട്ടുടമ വിദേശത്താണ്. ഒരു മാസത്തിലേറെയായി വീട്ടിൽ ആൾ താമസമില്ലാതെ അടച്ചിട്ട നിലയിലാണ്. സമീപത്തുള്ള ബന്ധു വീട്ടുകാർ ദിവസവും ലൈറ്റിടുമായിരുന്നു. ഇന്ന് വീട്ടിലെത്തിയപ്പോഴാണ് മോഷണം നടന്നതായി മനസിലാക്കിയത്. വീടിന്റെ മുൻ വാതിൽ കുത്തിത്തുറന്ന നിലയിലായിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പിന്നാലെ ബാലരാമപുരം പൊലീസിൽ അറിയിച്ചു. വീട്ടിലെ നാല് അലമാരകളും പൂർണമായും കുത്തിത്തുറന്നു വിലപിടിപ്പുള്ള വസ്തുക്കളെല്ലാം അടിച്ചു മാറ്റിയിട്ടുണ്ട്. മോഷ്ടാക്കളുടെ സംഘമാണ് പിന്നിലെന്നാണ് പൊലീസ് നി​ഗമനം. അന്വേഷണം ഊർജിതമാക്കിയെന്നു പൊലീസ് വ്യക്തമാക്കി. സിസിടിവി കേന്ദ്രീകരിച്ചും അന്വേഷണം നടക്കുന്നു.