പണം പിന്‍വലിക്കാന്‍ വന്നവര്‍ ഞെട്ടി; എടിഎം മെഷീനില്‍ നിന്ന് തല പുറത്തിട്ട് അണലി

കൊടുങ്ങല്ലൂർ: പണം പിൻവലിക്കാൻ എടിഎമ്മിൽ എത്തിയവർക്ക് മുൻപിൽ തലപൊക്കി അണലി. കോട്ടപ്പുറം ചന്തയിലെ സൗത്ത് ഇന്ത്യൻ ബാങ്ക്​ എടിഎമ്മിലാണ് പാമ്പിനെ കണ്ടെത്തിയത്.

എടിഎമ്മിൽ എത്തിയവർ അപ്രതീക്ഷിതമായി മുൻപിലെത്തിയ അണലിയെ കണ്ട്​ ഭയന്നുവിറച്ചു. മെഷീനിലെ വിടവിലൂടെ തല പുറത്തിട്ട നിലയിലായിരുന്നു പാമ്പ്. 

ഒടുവിൽ പരിസ്ഥിതി പ്രവർത്തകൻ ഫിലിപ്പ് കൊറ്റനല്ലൂർ എത്തി പാമ്പിനെ പിടികൂടി. മെഷീനകത്ത് കുടുങ്ങിയ പാമ്പിനെ പിടിക്കാൻ ഏറെ പണിപ്പെടേണ്ടി വന്നു. പിവിസി പൈപ്പ് ഉപയോഗിച്ച് ഏറെ നേരത്തെ ശ്രമത്തിന് ഒടുവിലാണ് പിടികൂടിയത്.