കൊച്ചി: ശബരിമല സ്വര്ണക്കൊള്ളയുമായി ബന്ധപ്പെട്ട് കൂടുതല് പ്രതികളുടെ സ്വത്ത് കണ്ടുകെട്ടാന് നീക്കവുമായി എന്ഫോഴ്സ്മെന്റ് ഡയറക്ടറേറ്റ്. ദേവസ്വം ബോര്ഡ് മുന് പ്രസിഡന്റ് എ പത്മകുമാര്, എന് വാസു, മുരാരി ബാബു എന്നിവരുടെ സ്വത്ത് കണ്ടുകെട്ടാന് ഇഡി നടപടി തുടങ്ങി..പത്തനംതിട്ട: മൂന്നാമത്തെ ബലാത്സംഗക്കേസില് ജയിലിലുള്ള രാഹുല് മാങ്കൂട്ടത്തില് എംഎല്എയുടെ ജാമ്യാപേക്ഷ പത്തനംതിട്ട സെഷന്സ് കോടതി ഇന്ന് പരിഗണിക്കും. പൊലീസ് റിപ്പോര്ട്ട് കൂടി ലഭിച്ചശേഷമാകും ജാമ്യാപേക്ഷയില് വാദം കേള്ക്കുക. കോട്ടയം സ്വദേശിനിയെ തിരുവല്ലയിലെ ഹോട്ടലില് വിളിച്ചുവരുത്തി ബലാത്സംഗം ചെയ്ത കേസില് കഴിഞ്ഞ 11നാണ് രാഹുല് റിമാന്ഡിലായത്. .വാഷിങ്ടണ്: ഗ്രീന്ലന്ഡിനെ ഏറ്റെടുക്കാനുള്ള നീക്കത്തെ എതിര്ക്കുന്ന എട്ട് യൂറോപ്യന് രാജ്യങ്ങള്ക്ക് മേല് പ്രത്യേക തീരുവ ചുമത്തുന്നതില് നിന്നും പിന്മാറി അമേരിക്കന് പ്രസിഡന്റ് ഡോണള്ഡ് ട്രംപ്. ഗ്രീന്ലന്ഡിന്റെ ഭാവി സംബന്ധിച്ച് നാറ്റോയുമായി ധാരണയിലെത്തിയതിനെ തുടര്ന്നാണ് ഫെബ്രുവരി ഒന്നുമുതല് താരിഫ് ഏര്പ്പെടുത്താനുള്ള തീരുമാനം ട്രംപ് പിന്വലിച്ചത്. സ്വിറ്റ്സര്ലന്ഡിലെ ദാവോസില് നടക്കുന്ന ലോക സാമ്പത്തിക ഫോറത്തില്വെച്ചു നാറ്റോ സെക്രട്ടറി ജനറല് ഗ്രീന് റൂട്ടെയുമായി നടത്തിയ കൂടിക്കാഴ്ചയിലാണ് ട്രംപിന്റെ തീരുമാനം..തിരുവനന്തപുരം: നാളെ സംസ്ഥാനത്തെത്തുന്ന പ്രധാനമന്ത്രി നരേന്ദ്രമോദി തിരുവനന്തപുരത്തെ തുറമുഖനഗരമായി പ്രഖ്യാപിക്കുമെന്ന് പ്രതീക്ഷ. ഇതോടെ രാജ്യത്തെ പ്രമുഖ തുറമുഖ നഗരങ്ങളായി മുംബൈ, കൊല്ക്കത്ത എന്നിവയ്ക്ക് സമാനമായ അനുബന്ധ പദ്ധതികള് വരുമെന്നാണ് കരുതുന്നത്. വീടില്ലാത്തവര്ക്ക് അഞ്ച് വര്ഷത്തിനകം വീട് എന്നതാണ് മറ്റൊരു പ്രധാനപ്പെട്ട ലക്ഷ്യം..നാഗ്പുര്: ടി20 പരമ്പരിലെ ആദ്യ മത്സരത്തില് ന്യൂസിലന്ഡിനെ 48 റണ്സിന് തകര്ത്ത് ഇന്ത്യ. 239 റണ്സ് വിജയലക്ഷ്യം പിന്തുടര്ന്ന കിവീസിന് 20 ഓവറില് ഏഴു വിക്കറ്റ് നഷ്ടത്തില് 190 റണ്സെടുക്കാനേ സാധിച്ചുള്ളൂ. ഇതോടെ അഞ്ചു മത്സര പരമ്പരയില് ഇന്ത്യ മുന്നിലെത്തി (1-0). 40 പന്തില് നാലു ഫോറും ആറ് സിക്സും പറത്തി 78 റണ്സടിച്ച ഗ്ലെന് ഫിലിപ്സ് ആണ് ന്യൂസിലന്ഡിന്റെ ടോപ് സ്കോറര്. ഇന്ത്യക്കായി വരുണ് ചക്രവര്ത്തിയും ശിവം ദുബെയും രണ്ട് വിക്കറ്റ് വീതമെടുത്തു. .Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
