പ്രധാനമന്ത്രിയുടെ സന്ദർശനം; ബുധനാഴ്ച കൊച്ചി നഗരത്തിൽ ഗതാഗത നിയന്ത്രണം 

കൊച്ചി: പ്രധാനമന്ത്രി നരേന്ദ്ര മോദിയുടെ സന്ദര്‍ശനവുമായി ബന്ധപ്പെട്ട് കൊച്ചി നഗരത്തില്‍ ഗതാഗതക്രമീകരണം ഏര്‍പ്പെടുത്തി. മാർച്ച് 11-ന് ആണ് പ്രധാനമന്ത്രി കൊച്ചിയിൽ എത്തുന്നത്. ഈ ദിവസം രാവിലെ 11 മണി മുതൽ നഗരത്തിലേക്കുള്ള വാഹനങ്ങൾ വഴിതിരിച്ചു വിടാൻ തുടങ്ങും. യാത്രക്കാർ മുൻകൂട്ടി യാത്രകൾ പ്ലാൻ ചെയ്യണമെന്ന് കൊച്ചി സിറ്റി ട്രാഫിക് പൊലീസ് അഭ്യർത്ഥിച്ചു. നഗരത്തിൽ ഒരുക്കിയിരിക്കുന്ന ഗതാഗതക്രമീകരണം പരിശോധിക്കാം.

​റൂട്ട് - I ഗതാഗത നിയന്ത്രണം

​വിവിഐപി റൂട്ട്: നേവൽ ബേസ് - തേവര - അറ്റ്ലാന്റിസ് - രവിപുരം - പള്ളിമുക്ക് - ജോസ് ജംഗ്ഷൻ - ബി.ടി.എച്ച് റോഡ് - പാർക്ക് അവന്യൂ റോഡ് - ഷണ്മുഖം റോഡ് - മറൈൻ ഡ്രൈവ്.

തടസ്സപ്പെടുന്ന സമയം: പകൽ 12:00 മുതൽ 12:30 വരെ.
​ഡൈവേഴ്ഷൻ സമയം: രാവിലെ 11:00 മുതൽ.

​ബസുകളുടെ വഴിതിരിച്ചുവിടൽ

• ഫോർട്ട് കൊച്ചി/മട്ടാഞ്ചേരി ഭാഗത്തുനിന്ന് എറണാകുളം/കാക്കനാട്/ആലുവ ഭാഗത്തേക്ക്: ​ബി.ഒ.ടി ഈസ്റ്റ് ജംഗ്ഷനിൽ നിന്ന് തിരിഞ്ഞ് കുണ്ടന്നൂർ - NH 66 - വൈറ്റില - ഇടപ്പള്ളി വഴി പോകണം.

• ആലുവ/കാക്കനാട് ഭാഗത്തുനിന്ന് ഫോർട്ട് കൊച്ചി/മട്ടാഞ്ചേരി ഭാഗത്തേക്ക്: ഇടപ്പള്ളിയിൽ നിന്ന് തിരിഞ്ഞ് കുണ്ടന്നൂർ - ബി.ഒ.ടി ഈസ്റ്റ് - തോപ്പുംപടി വഴി പോകണം.

ചെറുവാഹനങ്ങളുടെ (LMV) വഴിതിരിച്ചുവിടൽ

• ​ഫോർട്ട് കൊച്ചിയിൽ നിന്ന്: ബി.ഒ.ടി ഈസ്റ്റ് - തേവര ഫെറി - മട്ടമ്മൽ - പനമ്പിള്ളി നഗർ സൗത്ത് - മനോരമ - കടവന്ത്ര - വൈറ്റില വഴി.

• ബോൾഗാട്ടിയിൽ നിന്ന്: ചാത്യാത്ത് ജംഗ്ഷൻ - പച്ചാളം - പച്ചാളം ഓവർബ്രിഡ്ജ് - പൊറ്റക്കുഴി - മാമംഗലം - ഇടപ്പള്ളി വഴി.

• ​ഹൈക്കോടതി ഭാഗത്തുനിന്ന് ഫോർട്ട് കൊച്ചിയിലേക്ക്: ഹൈക്കോടതി ജംഗ്ഷൻ - മാധവ ഫാർമസി - ഡി.സി.സി ജംഗ്ഷൻ - ഇയ്യട്ടിൽ ജംഗ്ഷൻ - ചിറ്റൂർ റോഡ് - വളഞ്ഞമ്പലം - മനോരമ യു-ടേൺ - പനമ്പിള്ളി നഗർ വഴി.

റൂട്ട് - II ഗതാഗത നിയന്ത്രണം

വിവിഐപി റൂട്ട്: മറൈൻ ഡ്രൈവ് - ഹൈക്കോടതി - ബാനർജി റോഡ് - മാധവ ഫാർമസി - കച്ചേരിപ്പടി നോർത്ത് ഓവർബ്രിഡ്ജ് - ജഡ്ജസ് അവന്യൂ - കലൂർ - സ്റ്റേഡിയം.

തടസ്സപ്പെടുന്ന സമയം: പകൽ 12:50 മുതൽ 13:20 വരെ.

പ്രധാന മാറ്റങ്ങൾ

• ആലുവ ഭാഗത്തുനിന്ന് ഹൈക്കോടതിയിലേക്ക്: ഇടപ്പള്ളി - മാമംഗലം - പൊറ്റക്കുഴി - പച്ചാളം ഓവർബ്രിഡ്ജ് -ചാത്യാത്ത് വഴി ഹൈക്കോടതിയിൽ എത്തണം.

• ആലുവ ഭാഗത്തുനിന്ന് ഫോർട്ട് കൊച്ചിയിലേക്ക്: ഇടപ്പള്ളി - വൈറ്റില - കടവന്ത്ര - പനമ്പിള്ളി നഗർ - തേവര ഫെറി - ബി.ഒ.ടി ഈസ്റ്റ് വഴി.

​റൂട്ട് - III ഗതാഗത നിയന്ത്രണം

വിവിഐപി റൂട്ട്: കലൂർ - ബാനർജി റോഡ് - മാധവ ഫാർമസി - എം.ജി. റോഡ് - പള്ളിമുക്ക് - രവിപുരം - അറ്റ്ലാന്റിസ് - തേവര - നേവൽ ബേസ്.
​തടസ്സപ്പെടുന്ന സമയം: ഉച്ചകഴിഞ്ഞ് 15:05 മുതൽ 15:30 വരെ.

​പ്രധാനമന്ത്രിയുടെ പരിപാടിയിൽ പങ്കെടുക്കാൻ വരുന്ന വാഹനങ്ങൾക്കായി പ്രത്യേക പാർക്കിങ് കേന്ദ്രങ്ങൾ ഒരുക്കിയിട്ടുണ്ട്.

• വടക്ക്/പടിഞ്ഞാറ് ഭാഗങ്ങളിൽ നിന്ന് (തൃശൂർ, വൈപ്പിൻ, പറവൂർ): ​ബോൾഗാട്ടി വാട്ടർ മെട്രോ ജെട്ടി പരിസരം, ഗ്രാൻഡ് ഹയാത്തിന് എതിർവശം, ഷണ്മുഖം റോഡ് സിലിക്കൺ പാർക്കിംഗ്, വല്ലാർപാടം ബസിലിക്ക ഗ്രൗണ്ട്, എൽ.എൻ.ജി ടെർമിനൽ പരിസരം.

• തെക്ക്/കിഴക്ക് ഭാഗങ്ങളിൽ നിന്ന് (തിരുവനന്തപുരം, കോട്ടയം, മൂവാറ്റുപുഴ, ഫോർട്ട് കൊച്ചി):
  ​ഡി.എച്ച്. ഗ്രൗണ്ട്, മഹാരാജാസ് കോളേജ് ഗ്രൗണ്ട്, എറണാകുളത്തപ്പൻ ഗ്രൗണ്ട്, അയ്യപ്പൻകാവ് ക്ഷേത്ര പരിസരം.

​പൊതുവായ നിർദ്ദേശങ്ങൾ

• ​ഭാരവാഹനങ്ങൾ: 10.03.2026 രാത്രി 10:00 മണി മുതൽ വിവിഐപി സന്ദർശനം കഴിയുന്നതുവരെ നഗരത്തിനുള്ളിൽ പ്രവേശിക്കാൻ അനുവദിക്കില്ല.

• അടിയന്തര സേവനങ്ങൾ: ആംബുലൻസ്, ഫയർ സർവീസ് തുടങ്ങിയ അത്യാവശ്യ വാഹനങ്ങൾക്ക് സാഹചര്യം അനുസരിച്ച് തടസ്സമില്ലാതെ പോകാൻ സൗകര്യം ഒരുക്കുന്നതാണ്.