കല്പ്പറ്റ: വയനാട് ചുരം വ്യൂ പോയിന്റില് മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റില് കുടുങ്ങിയ വാഹനങ്ങള് അടിവാരത്തേക്ക് എത്തിക്കുകയും തുടര്ന്ന് അടിവാരത്ത് കുടുങ്ങിയ വാഹനങ്ങള് വ്യൂ പോയിന്റ് ഭാഗത്തേക്ക് കയറ്റി വിടും. ഇരു ഭാഗങ്ങളിലും കുടുങ്ങിയ വാഹനങ്ങള് കടത്തി വിട്ടതിന് ശേഷം ചുരത്തില് ഗതാഗത നിരോധനം തുടരുമെന്നും ജില്ലാ കലക്ടര് ഡി. ആര് മേഘശ്രീ അറിയിച്ചു.
ചുരത്തില് പരിശോധന നടത്തിയശേഷമായിരിക്കും നാളെ ഗതാഗതം അനുവദിക്കുക. ഇന്നലെ വൈകീട്ടാണ് വയനാട് ചുരം വ്യൂ പോയിന്റില് മണ്ണിടിഞ്ഞത്. തുടര്ന്ന് ഗതാഗത യോഗ്യമല്ലാത്തതിനാല് ചുരം പൂര്ണമായി അടച്ചിരുന്നു. താമരശ്ശേരി ചുരം ഗതാഗത യോഗ്യമാകുന്നത് വരെ യാത്രക്കാര് മറ്റു ചുരങ്ങളിലൂടെയുള്ള പാതകള് ഉപയോഗിക്കണമെന്ന് പൊലീസ് അറിയിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
