ചെയിൻ പൊട്ടി, ബൈക്ക് നിയന്ത്രണം വിട്ട് മറിഞ്ഞ് രണ്ട് സ്കൂൾ വിദ്യാർത്ഥികൾ മരിച്ചു

കോട്ടയം: ബൈക്ക് അപകടത്തിൽ രണ്ട് സ്കൂൾ വിദ്യാർത്ഥികൾ മരിച്ചു. പള്ളം മറ്റത്തിൽ സ്വദേശി ജോഷ്വ ജോയൽ, ചെട്ടിക്കുന്ന് സ്വദേശി അബി​ഗേൽ എന്നിവരാണ് മരിച്ചത്. പാക്കിൽ ധർമശാസ്താ ക്ഷേത്രത്തിനു സമീപം പവർ ഹൗസ് ജംക്​ഷനിൽ വച്ച് ഇന്ന് വൈകിട്ട് മൂന്നു മണിയോടെയാണ് അപകടമുണ്ടായത്.

ബൈക്കിന്റെ ചെയിൻ പൊട്ടിയതാണ് അപകടത്തിന് കാരണമായത്. ചെയിൻ പൊട്ടി നിയന്ത്രണം വിട്ട് റോഡിൽ മറിഞ്ഞ ബൈക്ക്, എതിർ ദിശയിൽ നിന്നും എത്തിയ പിക്കപ്പിൽ ഇടിച്ചാണ് അപകടം ഉണ്ടായത്. അപകടത്തിന്റെ സിസിടിവി ക്യാമറ ദൃശ്യങ്ങൾ പുറത്ത് വന്നു.

ജോഷ്വ സംഭസ്ഥലത്തുവച്ചുതന്നെ മരിച്ചു. മെ‍ഡിക്കൽ കോളജ് ആശുപത്രിയിൽ വച്ചാണ് അബി​ഗേൽ മരിച്ചത്. ജോഷ്വ പത്താം ക്ലാസ് വിദ്യാർത്ഥിയും അബി​ഗേൽ പ്ലസ് വൺ വിദ്യാർത്ഥിയുമാണ്.