യുഡിഎഫ് സര്‍ക്കാര്‍ അധികാരത്തില്‍ വരും; നേമത്ത് പ്രതീക്ഷ: ശബരീനാഥന്‍

തിരുവനന്തപുരം: യുഡിഎഫ് സര്‍ക്കാര്‍ അധികാരത്തില്‍ വരുമെന്ന് പ്രതീക്ഷ പ്രകടിപ്പിച്ച് നേമം യുഡിഎഫ് സ്ഥാനാര്‍ഥി കെ എസ് ശബരീനാഥന്‍. നേമത്ത് നിന്ന് യുഡിഎഫ് പ്രതിനിധി ഉണ്ടാകും. നാടിന് നല്ലതുവരുമെന്നും നേമത്ത് ശുഭപ്രതിക്ഷയാണെന്നും അദ്ദേഹം പറഞ്ഞു. തിരുവനന്തപുരത്തെ പഴവങ്ങാടി ക്ഷേത്രത്തിലും ശബരീനാഥന്‍ സന്ദര്‍ശിച്ചു.

കടുത്ത ത്രികോണ മത്സരമാണ് നേമത്ത് നടന്നത്. വി ശിവന്‍കുട്ടിയാണ് എല്‍ഡിഎഫ് സ്ഥാനാര്‍ഥി. രാജീവ് ചന്ദ്രശേഖര്‍ ആണ് എന്‍ഡിഎ സ്ഥാനാര്‍ഥി. 2016ല്‍ നേമത്ത് ബിജെപി അക്കൗണ്ട് തുറന്നെങ്കിലും 2021ല്‍ ശിവന്‍കുട്ടി മണ്ഡലം തിരിച്ചുപിടിച്ചു. 3949 വോട്ടിനായിരുന്നു ശിവന്‍കുട്ടി അന്ന് കുമ്മനം രാജശേഖരനെ തോല്‍പ്പിച്ചത്. 71.33 ആയിരുന്നു പോളിങ് ശതമാനം. അതേസമയം, ഇത്തവണ പോളിങ് ശതമാനം ഉയര്‍ന്നിട്ടുണ്ട്. 80.62 ആണ് ഇത്തവണത്തെ പോളിങ് ശതമാനം.