കൊച്ചി: നിയമസഭാ തെരഞ്ഞെടുപ്പില് കേരളാ കോണ്ഗ്രസ് ജോസഫ് വിഭാഗത്തില് നിന്ന് നാലു സീറ്റുകള് ഏറ്റെടുക്കാന് കോണ്ഗ്രസ്. കഴിഞ്ഞ തവണ ജോസഫ് വിഭാഗം മത്സരിച്ച ഇടുക്കി, ഏറ്റുമാനൂര്, ചങ്ങനാശ്ശേരി, കുട്ടനാട് എന്നീ നാല് സീറ്റുകളാണ് കോണ്ഗ്രസ് തിരികെ ആവശ്യപ്പെടുന്നത്. കഴിഞ്ഞ തവണ മത്സരിച്ച പത്ത് സീറ്റുകളില് ഭൂരിഭാഗവും പരാജയപ്പെട്ട സാഹചര്യത്തിലാണ് ഈ നീക്കം.
ഇടുക്കി, ഏറ്റുമാനൂര്, ചങ്ങനാശ്ശേരി, കുട്ടനാട് സീറ്റുകളില് ജോസഫ് വിഭാഗത്തിന് വിജയസാധ്യതയില്ലെന്നാണ് കോണ്ഗ്രസിന്റെ വിലയിരുത്തല്. അതേസമയം കോണ്ഗ്രസ് ഈ മണ്ഡലങ്ങളില് മത്സരിച്ചാല് വിജയിക്കാനാകുമെന്നുമാണ് പ്രതീക്ഷ.
ഇടുക്കിയില് തദ്ദേശ തെരഞ്ഞെടുപ്പില് കേരള കോണ്ഗ്രസിന് കാര്യമായ നേട്ടമുണ്ടാക്കാന് കഴിഞ്ഞിട്ടില്ലെന്നും പല മണ്ഡലങ്ങളിലും അവര്ക്ക് ശക്തമായ സംഘടനാ സംവിധാനമില്ലെന്നും കോണ്ഗ്രസ് ചൂണ്ടിക്കാട്ടുന്നു. ഇടുക്കിയില് റോഷി അഗസ്റ്റിനെതിരെ വിജയിക്കാനാകുന്ന സാഹചര്യവും ജോസഫ് ഗ്രൂപ്പിനില്ലെന്നാണ് കോണ്ഗ്രസ് ഉറച്ചുപറയുന്നത്. നാലു സീറ്റുകള്ക്ക് പകരമായി പൂഞ്ഞാര് ഉള്പ്പെടെയുള്ള മറ്റ് ചില സീറ്റുകള് കേരള കോണ്ഗ്രസിന് നല്കി ഒരു ഒത്തുതീര്പ്പിലെത്താനാണ് കോണ്ഗ്രസിന്റെ ശ്രമം. ഉഭയകക്ഷി ചര്ച്ചയില് കോണ്ഗ്രസ് ഈ ആവശ്യം അറിയിച്ചതായാണ് വിവരം. ഇക്കാര്യത്തില് അന്തിമ തീരുമാനം ശനിയാഴ്ച ചേരുന്ന കേരള കോണ്ഗ്രസ് ഉന്നതാധികാരസമിതിയിലുണ്ടാകും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
